نــــامـــي
 

لمن لا يحب السهر مثلي رغم انه يلازمني مثل ضلي

[poem=font=",6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
طفّي شموع السهر ماحب انا أسهر=والحزن قدّام عيني يغمز بعينه
بكره ورايه نكَد والوقْت متأخِّر=وكتاب صبْحي قريته من عناوينه
الحب نام وتوسَّد ضيقة الدفتر=ماعاد به حرف يسمع لو تصحينه
مابي سحابه ليا مـ استمطرت تمطر=تروي ظماك وتَحَدَّر في شرايينه
جفِّيت من جرحك اللي لوصغر يكبر=والَّنو الاول بصدري ما عَرِف وينه
لولاي اخاف الملام وطعنة الخنْجر=والناس تظلم فؤادي فيك وتدينه
ماكنت باقي اجمِّع داخلي واخْسر=وماكان ساقي على النيران تلقينه
وماصرت دمعه عجَز عن ظمّها مَحْجر=ولاصرت شاعر نحيبه في دواوينه
همسك ينرفز ولمسك مرعبٍ أقْشَر=يدفن بجلْدي ولا يرحم سكاكينه
نامي ولاتشتكي لي صدق ما أقدر=استاسر الشوق عنك واربط ايدينه
أنا يبي لي مدينه باهلها واكثر=أشكي عليها محبٍ تاهت سنينه
ماعاد تِغْري ليالي وجهها أحمر=عمّ السواد المعنى وامتلت عنيه
العذر لو هو قصيده كنت انا بـ اعذر=واكتب لك الجرح مطلع لين تمحينه
بس الحقيقه تخوِّف .أكبر. و. أكبر=ميِّت واذا في يدِكْ بالله تحيينه[/poem]

اخوكم
احمد بن سارح

الله .. الله
تعلقت في حروفك نجوم السمآء الثامنة إعجاباً ...
نص شآعري مرهف إحساس صآدق ...
دام العطآء الاخ القدير / أحمد بن سارح ...
تقديري وتحيه ...

خوّفتنا بالسهر لتباغتنا بالحزن يا أحمد .. وكلاهما مألوف ومعروف لدينا ..
نص يستحق ان يكون فاتحة قراءة طويلة ..

صح لسانك يا أحمد

مجدولينا

اهلا بك وشكرا لمرورك