نبض ثاني ,,
 

مساء الشعر .. يا روّاده ,,




كنت أقول دائماً : أنه من الجهل , و السخف في اّّنٍ واحد .. أن يفسّر الشاعر قصيدته !



لذلك ..



لن أقول أكثر من أنها ..



حاله !




و كفى ..







[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مبطي .. و أنا أدوّر لهالحزن .. سبّه=ولا لقيت لعسر الأيـام .. تفسيـر !!
عشان أذرّي فرحتـي .. عـن مهبّـه=و إلاّ أقول إنه جناحي .. وأنا طيـر
الحزن .. مثل الما .. لو إنّي باشبّـه=و الموت بير .. وكلّنا وارد البيـر !
والعمر دلـوٍ .. والرّشـا بيـد ربّـه=ليا انفلت .. هالعمر يصبح على خير !
ما نشف ريقـي وبضلوعـي مصبّـه=ولا ضميت .. وراويٍ دمعي صغيـر
ويا كثر .. ما وردٍ بصدري تنبّه =مسقيه حزن .. وباذرته المقادير
و الشعر .. كان لجرح الأحزان طبّه=يا ما غرس في مهجة الحزن .. نوّير
هو سلوتي .. وأرتاح فيـه.. وأحبّـه=وألقى معه لفراق همّـي .. تباشيـر
لولاه .. كـان اللـي بقالـي لأكبّـه=وأعاف دنياً .. كل أبوها مخاسيـر ![/POEM]

لافي ذباح ... مساء يليق بقلبك المضيء

حالة ونص يبرر ما اجتاح في نفس شاعر
ليسكبه في قالب البوح لأن البوح طقوس
ورهبانية داخل قلب كل شاعر

فكتبت بعض انسيابك هنا بتفرد لتصلنا بمذاق الحزن

دمت بعز

لافي ذباح

نص شعري ممتع جداً

دمت بخير يامبدع

الشاعر الرااائع لافي ذباح
كلمات رائعه
واسلوب راقي
سلمت اناملك
دمت بخير