نشرة الأخبار ... المهمّه !!
 

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


دوّرت للضيق فرجه ما لقى يمّه = ويممت يم العزيز وقلت يا قاوي

بيديك تفريج قلبٍ ما لقى همّه = بيدين خلقك طبيب ولا له مداوي

يلوج كنّه مصابٍ في ولد عمّه = توّ الخبر جاه.. فيه ..وفزّ متقاوي

بربوعه اللي لحمه ودمّهم دمّه = ثم صاح ثاري وقالوا مخطيٍ غاوي

وآغبن قلبه عليه وعزوته خمّه = وكم ديرةٍ دون ثاره ذيبها عاوي

هذا هو الحال من غمّه إليا غمّه = أشوف لكن مكذب جعبة الحاوي

يا هاجس الشعر سم الهرج لا سمّه = يلحق على ما بقى من عودي الذاوي

هذا هو المنبر وهذي هي الأمّه = والوضع مبطي مع شاعرك متساوي

دام الرشا في يدك والدلو فـ الجمّه = أغرف لي الصدق وأجزل مدّة الراوي

سولف تراها من مطمّه إليا مطمّه = ماعاد تفرق معي والعمر للـ لاوي

يا نشرة أخبار تسعه ما أنتي مهمّه = وما فيك تنويه ولاّ الوضع مأساوي

إليا متى والحلوق بغبن مبكمّه = وإليا متى والجمل يخشى يد الكاوي

إليا متى يالسنين السود ملتمّه = وإليا متى يازمن ..ما كنّك بناوي

تطلق يدين الرجال اللي على الذمّه = ماخوّنوا بالعهد لو خرجهم خاوي

(بدون) تصنيف لكن صبرٍ وهمّه = ظلام لكن بصدق أفعالهم ضاوي

أقراب وأصحاب عربٍ تلبس العمّه = تاريخ لكن طواهم بالخفى طاوي

من يصدح بحقّهم من يطلق لفمّه = سيل الحقايق ويرقب مرقب الهاوي

إليا متى و(البدون) يشوف عين أمّه = تحمل وزر ضيعته والحزن ما ياوي

إليا متى أبوه يمسح في طرف كمّه = دمع إنكساره وضيعة عمره الداوي

ما يكفي إن الأذان الصقّه منصمّه = ما يكفي أن الضياع لعمره مخاوي

يا أمّة الضاد كلٍ يلتفت يمّه = عيب إنتعامى يا أمّه مجدها هاوي

لمّي شتاتك عشان نرواد القمّه = ترا كرهنا الحظيظ وحظّك الثاوي

هذي هي النشره اللي فعلاً مهمّه = وهذي هي أخبارنا والوضع مأساوي [/POEM]





أخيراً

نافع التيمان
لم أستطع حبسها في الأدراج

فليعذرني قلبك

نواف التركي

طرحت قضيه ذات الاهميه الكبرى

ضياع مستقبل ابناء البدون

والابو والام واحساسهم بالذنب

نص جميل ومن واقع حال كثير من الناس


ومابعدالضيق الاالفرج والله المستعان

اللى يفرج كروب المسلمين

صح قلبك وفكرك المعبر

الله يجزاك الف(مليون)خير

الى القمم دوماا

كنت أحرّضني للتوغل في تفاصيل نبضك ,,

مزّقت رقع الفكرة هكذا ,,,

نواف التركي معذور ,,

,, كلما تمتمت يانواف ,, تجذبني تمتماتك لتغدو ذائقتي اكثر نضجا..

دمت جمالا ..

http://img71.imageshack.us/img71/388...loveu11va8.gif







ما هو الجديــد هنــا ..

مليت من هـ التكرار يا نواف ..
لا شيئ جديد في متصفحك ســوى ..

الإبداع ..
الشـعر ..
الجـزاله ..
السبـك ..
الحبـك ..


و



نــواف التركي ...
و




صــح لســانك ..