|
ماتستاهليني
بناء على طلب من اخوي وصديقي الشاعر المبدع عون القحطاني اضع هذه القصيدة بين ايديكم راجياً ان تليق بكم وترتقي لذوائقكم
كنت احس بطعنةٍ نجلا من عيونك واداري .............................. كنت اكذّب رجفة احساسي واقول انك تبيني ومن تلعثمتي بنطق اسمي ..وعكرتي نهاري ............................... كن ليلي علّق نجومه على عروة سِنيني قلتي انك ماجرحتيني بقصد وكنت داري ............................. بس وش تنفع دموع العذر وانتي تطعنيني صدتك اقسى من التلويح في فجر المساري ..................................صدمةٍ ماكنت متوقع تِصير وتهجريني قلت ابلبس من جميل الصبر دام الجرح عاري ............................... وانتي اللي تلبسين الفرو والدر الثميني و قمت اكابر وابتسم وآشوم في عز انكساري ........................... وادري انك تعْرفين الصدق من ربكة يديني ولاطرالي انتقم للجرح وآرد اعتباري ............................. كنت خايف اقطع آخر خيط مابينك وبيني ومن رحلتي مثل برق الليل في عرض الصحاري ........................... مرت السبع العجاف وطيفك يداعب جبيني كل ماانْسى هَبّت الذكرى وِجابت لي طواري .......................... عادت اسراب الحمام وحطت بشرفة حنيني كيف ابقطع شعْرة الآمال من ياس انتظاري ......................كيف ابمسح دمعة الفصل الأخير بوسط عيني ؟ كيف اقدم للستاير والشبابيك اعتذاري ....................... ويش اقول لشرفة احلامي وشرفة ياسميني ؟ من يصحي وردتين الحب في عتمة جِداري ........................... من يفززلي عصافير الصباح ويحتريني ؟ من يفك زرار ضيقة ليلي وغبشة نهاري ....................... من يرش الما على جمر الجروح ويحتويني ؟ كيف خنتيني وبعتيني وانا اللي كنت شاري؟ .......................... السؤال اللي وقفت سنين عنده صدقيني !! والعزا اني كل مااضما ماك واتْهِب الذواري ........................... آتيمّم بالصْبَر وآقول ........ ماتستاهليني |
اسعد الروابة .. يأسِرني هذا الشِّعر المتّسع والمُترامي هذا الحرف العظيم مُحتدِم النبض كَقدرٍ جميلٍ تجودُ بِه اللحظات الصادقة لو تعلم كم نعطش لحرفك لما استطعت الغياب عذبٌ والشعر من كفوفك رحمة لنا من سطوة العطش شكراً يااسعد على هذا الكرم الغير مستغرب حرفك يستحق ان بحث عنه . ونتتبع غيماتك و ب اي ارضٍ يفوح رحيق ورودك صح نبضك . ولن نعذر غيابك بعد اليوم : ) ودي وتقديري وامتناني |
اسعد
اسعد كيف اقدم للستاير والشبابيك اعتذاري ....................... ويش اقول لشرفة احلامي وشرفة ياسميني ؟ من يصحي وردتين الحب في عتمة جِداري ........................... من يفززلي عصافير الصباح ويحتريني ؟ من يفك زرار ضيقة ليلي وغبشة نهاري ....................... من يرش الما على جمر الجروح ويحتويني ؟ شعر عذب الف مبروك الفوز بك الشعر اسعد يا اسعد ! |
الله الله هذا المطر عوضة الغيبة يااسعد مبدع حقيقي وفطري تذكرني ببن جدلان بلتقاطقك للمفردات المدهشه
|
ولكل المساءات المعلقة في سماء الانتظارات سلاسل إبداع ومدارات وعي ..
هنا نص يتربع على قرص الشمس في حضور مكتنز بالنور والحبور .. فأنت كريم والقدير عون القحطاني يسناهل حقول كهذه الرائعة البارعة . |
قلتي انك ماجرحتيني بقصد وكنت داري ............................. بس وش تنفع دموع العذر وانتي تطعنيني و قمت اكابر وابتسم وآشوم في عز انكساري ........................... وادري انك تعْرفين الصدق من ربكة يديني ولاطرالي انتقم للجرح وآرد اعتباري ............................. كنت خايف اقطع آخر خيط مابينك وبيني ياالله يا اسعد أتدري متى يندمل الجرح ..؟ متى يهون الحزن ؟؟ عندما نقرا كهذا الشعر اقسم لك انني بخير منذ ان قرأته كن أنت بخير فقط :34: |
اسعد الروابة
دائما مبهج وفاتن استمر كذلك وبهذا الوهج والتألق |
أسعد الروابه .. شكر الطالب والمطلوب .. منذ كان لنا شرف متابعتك في شاعر المليون .. وأنت تأسر الألباب .. وتعبق فنن القصيدة بعذب بوحك .. دمت على خير |
| الساعة الآن 04:02 AM |
Powered by vBulletin® Copyright ©2000 - 2024, Jelsoft Enterprises Ltd.