|
أبكار الأماني
ياغريبـة ... كل شيّ يمرّنـا صدفة نخافـه ............. وإن مسكنا بالصدف مرت خطاويها عجوله وشهي حيلة من لقى وقت الشتا مدّة لحافه …………….... ماتغطّي كل جسمه لو نوا مدّة رجولـه ياغريبه .. جاوبيني والحكي مابـه كلافـه ..………… . كيف شبنا قبل نحيا مرحلة عمر الطفولـه لو كبرنا حيل ليـن العمر لـوّح بإنتصافـه ……...….. ليه نرمي عمرنا الباقي على درب الكهولـه والسنين السبع مرت تشكي العمر وعجافه ..…………….. مازرعنا سنبله خضرا بها تمنع أفولـه ليـه منهو يشترينـا .. بالغلا دايم نعافـه …………… نتبع دروب اللي أقفى واللي مانقدر ننولـه ليه نبكي ليه نشكي ليه طيبتنا سخافـه ..……....……. ليه نروي غيرنا دام المطر شـحّ بهطولـه ليه عنقود الحروف اللي نما وقرّب قطافه ………… يجبر الشاعر على جحد القصيد اللي يقولـه ياغريبة ماكبـرنا لكن الحلم .. وجفافـه .………… ينحر أبكار الأماني بمعبد الطيبة الخجولـه صدقيني مابقا للحلـم في آخر مطافـه …………… غير وجه بكل ذكرى يجرح القلب بسهولـه سامحيني لا افترقنا وضاعت حدود المسافه ………….. كل درب يودي للفرحه معك يصعب وصوله واذكريني قلب أكبر ذنب شاله في شغافـه ……………… لونه الأبيض قبل سود الليالي يرتكوا له أحلام مؤجلة |
الله الله يا احلام ماهذا السكب النمير
قلم مُفعم بالجمال والابداع وممتليء بالاحاسيس حٌروف نقشت بِحبر الحنين دُمت بهذا الألق. احترامي |
ثمة حرف يتلونا ما تيسر من سحر البيان
فيأتينا المطر كرماََ وتكريماََ له بملء السماء كان الجود غدق وابهار روووووعه شاعرتنا المبدعة احلام مؤجلة مودتي والياسمين \..:34: |
عملية الابداع الشعري تتضح على نحو خاص في ابداع اللغة المتفردة بأسلوب مميز هُنا ، هذا الوعاء الفني للغة الشعرية بتناغم الحس مع الفكر يجعلنا نكبر سنين أخرى ونمتلك في قبضة العقل مساحات من الجمال والحكمة ، اقتباس:
|
- الله الله .. الله واكبر ..! ياشيخه كذا القصيد والا فلا . . إحساس غير عادي فعلاً .. وتسلسل يسرق القلب وتساؤولات تنهشه ! وجع ومرارة وخيبة .. غير الحيرة اللي طوقت القلب ! يا جميلة وش هالجمال؟! يقولون من طول الغيبات جاب الغنيمة ! وانتي جبتي فوق الغنيمة حضورج اللي اشتقنا له حيل صوتج هنا .. صداه بضلوعي ! صح لسانج وهالقصيدة ابداً ابداً ابداً : ماهي لقراءة وحدة ولي عوده بعد ما افوق :34: |
سلم اللسان واجاد البنان ودمتي بخير
|
اقتباس:
كثير شعار ذكروا بنات الفكر بقصيدهم بالتصريح او الاستعاره لكن هنا اللقطه عجيبه من شاعره متمكنه ياغريبه .. جاوبيني والحكي مابـه كلافـه ..………… . كيف شبنا قبل نحيا مرحلة عمر الطفولـه وصفها هنا بالغريبه يعبر عن ذهول داوي وكيف شابت قبل يمشي عمرها بين بيوت القصيده لله در هذا الجمال وصح لسانك |
مبين هذا البيت
وشهي حيلة من لقى وقت الشتا مدّة لحافه …………….... ماتغطّي كل جسمه لو نوا مدّة رجولـه وبين هذا البيت والسنين السبع مرت تشكي العمر وعجافه ..…………….. مازرعنا سنبله خضرا بها تمنع أفولـه ربط جميل ما بين المشكله والوقوع فيها وبين الحل والتقاعس عنه احلام مؤجله سنبقى هنا لنتذوق جمال الشعر صح لسانك |
| الساعة الآن 04:49 PM |
Powered by vBulletin® Copyright ©2000 - 2024, Jelsoft Enterprises Ltd.