|
وحيـــــد الـــــدار
رسالة إلى شقيقي واخي علي الدوسري "بو حمد" بسم الله أبدأ :::: يا بو حمد بعض الروابع باسها باس ٍ شديد تضيّع الرجال بين اخماسها و اسداسها بادت بي الحيله و عـيّـت لا تهيد ولا تبيد دعوى تمادت ما عرفت شبورها و قياسها ايام أصامدها وأفلّ أم الحديده بالحديد وايام أسالمها وأحب خشيمها مع راسها الله من بعض الهجوس اللي تـدفــّــق بالوريد تعذب الأجواد خصّ اللي رهيف إحساسها خلقت في الدنيا وحيد وتالي ايامي وحيد ومن المراره ذقت طعم الحنظله في كاسها عيني على نجم الجدي والتاج في كتف العميد والجوهره ما أعلم بـ فضتها ولا بـ ألماسها بين البشر متبـلـّــد إحساسي ولو ماني بليد إذني صمم لو هي تدقّ طبولها و أجراسها صبرت غير الصبر بعض احيان طبـّـه ما يفيد يلاحي جروح ٍ تـعــدّى راسها كرياسها أبغى الجمايل والظروف تـلــيّــن الراس العنيد كم من صليب ٍ طـوّعت باسه بـقـوّة باسها والناس ما تقبل عذر لو جيت بالعذر الوكيد واللي نصاك يفـنــّـد أعذارك وينقض ساسها أخوك ـ عادل بوبدر الدوسري وحيـــــد الـــــدار |
تحياتي لك ولأخيك الشقيق "أبو حمد"
وعز الله إنها رسالة مليئة بالشفرات وهي رسالة ثقيلة محملة بهموم الدنيا ومآسيها صح لسانك أيها الشاعر الجزل المبدع :) |
صح لساااانك شاااعرنا
ما فيك حيله |
البوح رائع جدا
|
اقتباس:
شرف ان تكون انت اول من لامست اطراف ذائقته هذه القصيدة ويكفينا فخرا ان ننهل من الشعراء الكبار الذين هم كوكبه هذا الموقع تحياتي |
اقتباس:
اشكر مرورك علي قصيدي شرفتني تحياتي |
اقتباس:
|
| الساعة الآن 06:09 AM |
Powered by vBulletin® Copyright ©2000 - 2024, Jelsoft Enterprises Ltd.