منتديات أبعاد أدبية - (الجادل اللي يمر القلب شارعها)رائعةْ القدير/ضيدان بن قضعان

http://img69.imageshack.us/img69/1990/63838408.png
الشَاعرْ العَذب / ضيـدان بنْ قضعانْ
[poem=font=",6,silver,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الجادل اللي يمر القلب شارعها=بين الحنايا تعدي ماتطالعني
تقفي مع الدم بعروقي واتابعها=واحس كنها على نفسي توزعني
قامت تبعثر غلا وان جيت اجمعها=اضمها واتشتت لين تجمعنــــــي
بين الحنايا تثني في مرابعها=كنها تقول اتحدى من يطلعني
دام الحشا بيتها وانا مدلعها=وش دخل القلب يزعل يوم توجعني
وليا خذا رمشها رجل يطالعها=لعل رمش خذاني مايرجعنـــــــي
عيونها جيوش والنظرة طلايعها=غارت بصدري وجاز لسيفها طعني!!
ويوم انكفت لين قلبي من قلايعها=والصبر عن خافقي ماعاد ينفعني
مدهالها القلب وعيوني مراتعها=اموت فيها وهي للريح تزرعني
ريحانتي والغلا فالقلب زارعها=تشرب عروقي وترواني وتشبعني
كان النحل من رحيق الورد مشبعها=وانا شموخي من احلا شي جوعني
وليا تعانق خجلها مع تواضعها=عانقت ليل على مسراه شجعني
لوينسري ليلها سريت بايعها=بشر ولا اللة عن الزلة مرفعني
واصبحت من عقب ماني ضدها معها=ان ضاعت اضيع وان دلت تسنعني!!
للجادل اللي شرايني شوارعها=القلب يقتادني والنفس تمنعنــــــي[/poem]

.