♠- 1-♠ نَصّيْن مِنْ إرشِيْف ماشِيْف♠- 2-♠
 

•• [ من إرشيف ماشيف ] ♠ وجد /ذكرى○

ـــــ[ 1 ]ـــــ

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

يانجمة الصبح المطلّـه غيبي = من عقب ماغابت هاكـ المملوحه
اللّـي عليها خاطري يسري بي = ولا معاه الاّ الغلا وجْروحه
المشكلة : (راحت ولا تدري بي ) = [(راحت لِــمن لا يستحق الرّوحه)]
كان الخطا منّي.. وهذا عيبي..!! = ماجيت يوم دروبها مفتوحه
سابِق غلاها .. سابِقَــه تعذيبي = كم واحدٍ قبلي معذِّب روحه..!!
قدّمْت لاَحْلى طيفها ترحيبي = وبْعذر هاك الدمعة المسفوحة
يوم تْركت بالصدر عاوي ذيبي = كسير قلب ورغبته مجروحة
سامحتَها يوم انكشف لي غيبي = واقول: يابنت العرب مسموحة
ملّـيت من حزني ..ومن تغريبي =والشاعر يْــعادل : قصيده / بوحه
وليا متـى وانا.. وانا.. ياطيبي.؟! =اجْمع تــلاويـني بليّـــا لوحة..!!
اقفى العُـمُر واظْهر زماني شيبي = كم رغبة ٍ في خاطري مذبوحة [/poem]

ــــــ•○***♠•ـــــــــــــــــ•○***♠•ــــــ

ـــــ[ 2 ]ـــــ

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ليت هاك الّليالي مثل ماهي عليه = يوم انا والحبـيـّــب والزمان اصدقا
كان لاشتاق جاني وانا لاشتقت اجيه = لو بسلم القبيلة ما يجوز اللّقا .!!
شلت حبّه على قلبٍ عفيفٍ نزيه = يوم حبّه على البـيضا وْوَضْح النّـقا
الزّمن بالمحبّة راح ليه ارتجيه = ما بقت غير ذكرى.. يا سِقا الله سِقا
قلبي اللّي لياشاف الجَمَال ايْـغَزَيه = ماتّقَى من سهوم الحب يوم اتّـقَى
مير يالقلب هــوّد عن حبيبٍ تبيه = ارتَحَل عن حياتك..( يا حياة الشّقا)
راح معظم شبابي وانت لاتحتريه = لا وصالٍ.. ولا موعد ..ولا ملتقى
مابقى الاّ قصيد ٍ عابـرٍِ قلت فيه = مااهَـقَـاانّـه نسى ايّامي معه مااهَـقا
ليت هاك الليالي مثل ماهي عليه = { و ليت عمري على عشرين عامٍ بقى } [/poem]

•○***♠•

مخلد الغنيم


دوماً تكون جميل
بكل ما تحمله الذائقه من كثافه شعريه
يكون اتجاهها أنت




أرشيفك زاخر
بكل ما هو يليق بذوائقنا


تقديري

قصديتين تستحق القراءة

رائعه اخي

صح قلبك وبوحك

دمت بود

مخلد الغنيم
حضور يستحق الأحتفاء
مودتي