( ذهــــــــــــــــب )
 

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ترامى على حد العتب لو ترامى = ترى قلة الدبرة وجل مابها لوم
رفيقي تولّم للسهر لاتنامى = عداك العتب لو حرّمت عيني النوم
شيّم والهقاوي في دروبي تزامى = بلا شيمتي عن شيمتي وين اباشوم
ربيعه ربيع(ن) وابله ماتهامى = على وين اوجّه خد الايام ملطوم
تحاموا تحاموا يوم كل(ن) تحامى = انا كيف ابشحذ فزعتي وانقل الزوم
نجى نوح ابو يافث وحامى وسامى = وغرق من غرق واللي غرق يجهل العوم
.
.
.
.[/POEM]
[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الا ياجبال(ن) في عيوني تسامى = ذهبها ذهب مايقبل البيع والسوم
تشمّرت عن ساعد يديني وشامى = خفوق(ن) يقول العز للعز مقسوم
مجيد انتبهلي والخبر له مقامى = تلزّمت بالملزوم والعلم ملزوم
تعلقت والدنيا عليها السلامى = سلام(ن) يدوم وعمر الانسان مايدوم
ذلولي عكشها حبلها والخطامى = على اكواعها طاحت وانا فوقي نجوم
عسى عين تبكي ربعها ماتلامى = وعسى عبد ابن هذال مرحوم مرحوم
.
.
.
.[/POEM]
[POEM="font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لك الله لشعره كل روحي توامى = نهار انتحت واقفت مع الواد ابو دوم
تمثّلت مالثّمت وجه الكلامى = وانا اثملّتها كلمة وانا حر زيزوم
اورّد هجوس(ن) من ضماها هيامى = على عد قرنوح(ن) من الوسم موسوم
نخيت النظر والشوف عنّي تعامى = خجل ياعيوني عيدنا يسبقه صوم
ظهر ياظهر هالكهقاوي حزامى = تحيزم تحيزم طيب الاجواد محكوم
تعلّمت يانشّاد علم العلامى = وتفهّمت وضع(ن) تالي الوقت مفهوم
.
.
.
.[/POEM]
[POEM="font="Simplified Arabic,5,chocolate,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لقيت الجسد يكفيه مترين خامى = ولقيت الرجا في سود الايام معدوم
عسى عرق طيب(ن) بالضماير تنامى = يبلّه وفا ربعه على الزود ويروم
عسى ماخلا من رايحات الغمامى = وعسى مااغدي من علم الاجواد محروم
ابرّق بنفسي والعرب والمرامى = واصدّ بنظر عيني تقل مامعي قوم
نسينا زمنّا واللزام اللزامى = ملازيم قوم(ن) كلّها طيب وعلوم
علي اللي عرفته يارفيقي ملامى = تعديت مفهوم الجهل عند معلوم[/POEM]

ما أعظم الشعر هنا

عبدالحميد :

سقت لنا شعر يندر مثيله في هذا الزمن الفوضوي


من العيوب توصيف الحاضر وشعرك حاضر

ولا يحتاج لمثلي يشرحه

تقبل مروري أيها الضخم شعرًا

ابداع كبير من شاعر كبير
صح الف لسانك واحساسك
حضور رائع
بالتوفيق

عبدالحميد ناجي


هذا الاسم والشعر
كم هو جميل
كان
ولا زال



لا أمل من قرأتك أبداً


صح لسانك