باص الشعر ... وحال الركاب ... وخط البلده !!!
 

[POEM="font="Traditional Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]الشعـر بـاص .. وكلنـا فيـه ركـاب=هذا ركـب عبـري .. والآخـر يسوقـه
شاعر يقول .. ويكسب قلوب واعجـاب=يخلـق لـه أفكـارٍ مهـيـب مخلـوقـه
في منطقـه عبـره لأصحـاب الألبـاب=ومن دهشت الجمهـور .. ياخـذ حقوقـه
وشاعر على الحفه .. وله شكـل جـذاب=مـن زيـن زولـه طـار بالنـاس سوقـه
وشاعر علـى ياراكـبٍ فـوق هـذاب=ودك يهيجـن لا جلـس عنـد نـوقـه
وشاعر رومنسي !! كل كلماتـه عـذاب=غيـر الغـزل .. مافيـه شعـرٍ يـروقـه
مو من عرب بندق وشلفا ومشعـاب=واعجـاب نعـاس الـهـدب مايعـوقـه
وشاعر على ربعه .. تقل حومـة غـراب=يرميها فـووووق وترجـع تطيـح فوقـه
وشاعر لسانـه متـر .. للعـرض لسـاب=دم الخـلايـق دارجٍ مــن شـدوقــه
هـذاااك لـه يـومٍ بـه الكـل مرتـاب=تذهل بـه المرضـع ولـو هـي شفوقـه
وشاعر قضى ليله من كتاب .. لكتاب=مامـر مـن قـدام عينـه .. يبـوقـه !!
المشكله .. بـارز ولـه نـاس وأحبـاب=ماخاف مـن قطـع اليميـن السروقـه ..
( أحمد مطر ) .. مايدري ان البحـر شـاب=لو يدري انـه شـاب .. غيّـر اطروقـه [/POEM]

فهد عواد
أهلا بعودتك من جديد
كان لي شرف الحضور الأول
تشخيص رائع للشعراء
مودتي

فهد عواد
اهلاً وسهلاً مجددة لاتنتهي
تماماً كــ الشعر هنا

نص كتب من الغيم

تقديري

وليد الفالح

تشرفت بمرورك الجميل

تحياتي ,,,