واقول انساك لكن مايغيب اسمك من ال(ساني)
 

إهداء رباعي الأبعاد بعد أشهر من الغياب
1-للأخ العزيزجداً سعد سيف حتى لايستخدم ضدي السلاح فقد هددني بذلك
2-القديره الريم التي لن تغيب أبداً من شعر المجلاد لأنها أنصفت هذا الشعر بصدق
3-للقديرقايد الحربي هذا الرجل الذي قابلته مره واحده فحملت له من الحب الكثير
4-لكل من افتقدتهم وافتقدوني في أبعاد وخاصه صاحبي الشمالي عمري الرحيل
[poem=font="Traditional Arabic,7,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
حَكَتْ عين الغرام وسال دمع الحبر بالقرطاس= يسولف عن غيابك يالخفوق اللي تناساني
رحلتي ليه وانتي للجسد روحٍ تفيض انفاس=رحلتي ليه وانتي ربعي وناسي وخلاّني
وحشتيني كثير( وذبت) شوق ال(سودك)( النعّاس)=وانا من كثر شوقي (أسْلَمْ )من الحب شيطاني
ترى من يوم غبتي وانقطع جذر الوصل بالفاس=سرى ليلي عذاب وصاحبي ضيقي وحرماني
وتهيجن لك جروحي والشعور المغترب عسّاس=وَلاَ حَصّل ربيع وماتت من الجدب قطعاني
(نعم) بَعْدِكْ وحيد(وطبع عيني) ماتشوف الناس=(نَعَمْ)(بَعْدِكْ) غريب وموطني ترسانة احزاني
(نعم) بعدك جريح (تَعْبَثْ) ابـ(فكري) يَدْ الواسواس=وليلي فيه همّي يفترش طراحة اشجاني
يِسَرِّيْني لِوَجْهك والدروب الهمّ والهوجاس=وفيه اطرد خيالك والغلا له صوت ناداني
واسافر في عيونك يوم تسرقني من الجلاّس=وتاخذني بعيد ونجتمع في عالمٍ ثاني
وانا الطفل الفقير اللي رسم وجهك على الكراس=رصيدي صدق حبٍ يجري ابـْ(دمي وشرياني)
فقير المال (لكن) كُنْت /مُرهف/عاطفي/حَسّاس=ثري جداً بمخزون الشعور وقلبي الحاني
عطيتك من شعوري دون تحديد وبلامقياس=من البحر الغزيز وقلت ذا درّي ومرجاني
وزرعتك من صباي وكنتي النبته وانا الغرّاس= أساقيك الغرام وينهمر لك مزن وجداني
وكُبَرْتي (ياحبيبه) والغصن مافارق النسناس=وِمشت معنا الظروف ونَسْمِتِكْ تستعذب اغصاني
وبِدَتْ وردة جمالك تَزْدِهِرْ ويغير عقد الماس=بصدرك من يديني لاَ انْعَطَفْ خِصْرِكْ وِحَاكَاني
وِلاَ مِنّك جَلَسْتي (قُمْت) اوَشْوِش لك بكلمة راس=و اجي مفرط شعور ال(كل)عضوٍ بِكْ تِمنّاني
خدودك /شِفِّتينك/رمش عينك /قدك الميّاس=يعانقها الشعور وتحتضنها نوتة الحاني
كذا كنت الْمُرَفّه قبل ما اشرب لوعتي بالكاس=قبل (جُرْم) الوداع وقصّة المجني مع الجاني
أقول امحاك يكتبك الشعور بدفتر الإحساس=واقول انساك لكن مايغيب اسمك من ال(ساني)
(تركتي لي غلاك)( وجرح فرقاك) وخيوط الياس=وتركتيني شماته تتضح بعيون عدواني[/poem]

جميله


تشابه نص لناصر القحطاني



صح لسانك

عبدالله المجلاد
حضور يستحق الأحتفاء
ونص فاخر ومميز كالعاده
مودتي

عبدالله



رائع بحق



ابدعت