. ..ــــ مصافحة .. ربـعـي الـخـالـي ــــ.. .
 

[POEM="font="Simplified Arabic,5,royalblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ولّ من ليلي اللي ضقت من طوله= وش بلا الصبح ما يشفق على حالي

وين محبوبي اللي لا طرى زوله= جاب فيني قديم الشوق والتــــالي

قد هجرت القصيد.. وقلت وشوله= أكتبه .... قبل يعـــرفني و يقـــرالي

ويوم هو جا لنار الحب برجوله؟؟= الله يعين من حطـــيـــــتـــه فـ بالي

صاحبي كل من في الأرض فزوله= كيف اجل ما يفــــــــز الشعر للغالي

وكانني ما كتبته فيه ... ما اقوله= فدوة ٍ له جديدي .. لو غدى بالي

كيف بأصبر وعيني دوم له توله =قمت اخيله / مع انه واقف قبالي !

له (من الراس لين اصابعي) دوله= ْو له علي ّ الولا.. مادامه .. الوالي

مو غريبه اذا اني فيه معذوله= ومو غريب ان تولع فيه عذالي

ساد عامي .. ربيع ٍ .. فأربع فصوله= والزهر صار ميزة ربعي الخالي

صاحبي ذاك لامثله ولاحوله= هو هلي ذاااك لا عمي و لا خالي

ذاك دمعي لقى في حضنه هطوله= ذاك كتفي لقى في ساعده .. شالي

ذاك مالي عذر لوكنت مشغوله ..= عنه / في غير خمس اوقات / بـ جلالي

أدعي الله عسى الدعوات مقبوله= يجعل اللي عجبني فيه / فعيالي

قالوا العمر واحد .. قلت : أبد .. هو له= يا نتقاسمــْـــه والا آموت بلحالي

قالو الجرح جرحه .. قلت : معقوله؟= وآنا اقول اشعلام الجرح.. يحلالي !

وقالوا الظاهر انك صدق مهبوله= قلت من حَب عقلي .. هاوي هبالي

[/POEM]

عبير بنت احمد


الوطن لمحبوبها بين حروف قصائدها

أشكر الحظ على مصافحة قصائدك في متصفح لـ أقول

صح نبضك وصح أحساسك

عبير بنت أحمد

ونص على بحر الهجيني الطويل هو الأبهى.
كم يطربني هذا البحر .. لا أذكر أنني قرأت نص على هذا الطرق ولم استعن بصوتي .
عبير بهذا النص كتبت ِ عن الكثير منَّا ..

النص وبدون مجاملات أعجبني لدرجة انني قرأته أكثر من مرّة ..

دمت ِ بعافية وصح كلِّك

0
0

ناصر حطاب الدهمشي

عبير بنت أحمد ملكة شعر ....
وين كان الغياب؟!! ..

الحمد لله أنني أقرأك الآن .. تحية عظيمة أختي :)

هذا النص يستحق أن تضاء حوله قناديل التذوق ونثر الرؤى الانطباعية التي يستفزها لدى كل مؤمن بالشعر الحقيقي.. عدت شغفاً بما ينقش هذا الاسم منذ فترة طويلة... ولجمال هذا النص الرائع .. تحية للجميع وللأخت عبير :)