لــك..ياخيـاليّـة
 

*بعد العثورعلى الرقم السري

[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قالت: اكتب بالحبيب اللي تحب اعْيونه = قلت:هاك الشعر كلّه دفتره و اقْلامه
يا(قصيدة خاطري) في خاطري موزونه = ساقها قلبي من اسباب الغلا وهْيامه
والخفوق لْـيا تهيّض واستباح افنونه = والله ان احْلى القصيد يْفيض وقت الهامه
شاعرك يا بنت هدّ أفكاره المسجونة = والقلم يشره على سبابته وإبــهــــامه
كل ماتارد عليـه اهجوسه المجنونة = يوم حاربها ابْـليله وأعلن استسلامه
طَاوَلَه هذا السُّـهاد المنزوي بجفونه = والخيال يْعود من مسرى الغلا باوهامه
وش بقى .. والامنيات الماضية مدفونه =كم رحل حادي على صوت الامل وانغامه
شاعرك غنّى الحمام وجاوبه بلْحونه = ويتغنّى كل ما شاف الحِسِن قدّامــه
واثْـر حِسْنِك كل مافيني يحارب دونه = كم قتيل الخد الايمن ؟! كم قتيل الشّامه ؟!
" يا ربيعيّة".. "و ياحلوة ".."ويامزيونه" = " ياخياليّة".." يازين الزين".." يارسّـامه "
(يا سكون الليل/ يوم الليل ينسى لونه) = وانتي القمرا..( وهذا الليل انا مانامه )
ربّـعي في خافقي يالـدرّة المكنونة = واستحلّي قلب شاعر حاصرته ايّـامه
طوّل الله عمر حبّ ٍ ما اختلف مضمونه = والوفي رغـم المسافة ماتملّ اقدامه
عاشقك يابنت جعل الله يكون ابْعونه = أجمل احلامه معك..وانتي فتاة احلامه [/poem]

مخلد
شاعر لاغبار عليه
قصيدة رائعه جدا
صح لسانك

صح قلبك



تحياتي

مخلد الغنيم; ما أروعك من شاعر

قصيده رائعه الي أبعد مدي


هنا حط بي الرحال وأخذت أردد معك
ربّـعي في خافقي يالـدرّة المكنونة = واستحلّي قلب شاعر حاصرته ايّـامه
طوّل الله عمر حبّ ٍ ما اختلف مضمونه = والوفي رغـم المسافة ماتملّ اقدامه
عاشقك يابنت جعل الله يكون ابْعونه = أجمل احلامه معك..وانتي فتاة احلامه

تحياتي