منتديات أبعاد أدبية - كل ماهب النسيم

[poem="font="simplified arabic,4,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

كل ماهب النسيم ..وهبهب الغربي عليه=قمت أذب لعينها ..ياسعود في راس الطوال
بنت مثل الغيم . ديم.تغيب ثم تحضر نديه=لابدت في قول وينك ..يافهد ..قلت ..إحتمال
إني تحت الجاذبيه مدري فوق الجاذبيه=يعني يابنت الحلال ..الحال حاله ماهو حال
كل ماضاقت عليه ..قم أغني واعليه=يابعد كل الدلال ..البعد هذا ..مو دلال
لا تخليني أموت ..وموتتي أكبر خطيه=وانتي ليه راس مال ..ولا سوى هالراس مال
ياعيون الشعر ..مرحب ياهلا ..يالاجوديه=ياهلا يامرحبابك ..عد ما زل الهلال
من خفوق ٍ فيه كيه ..واندبل بالبعد كيه=كل ما غنى يا لال ..يزيد لاله قبل لاال
البحر في وسط صدره يلطم امواج عتيه=والسفينه ..في خفوقه ..تحمل بنبضه سوال
من يطفي خافقي لامت انا والنار حيه=من يعزي ..طفلتي ..في موتتي ..والموت حال
يا مهيه ..يامهيه ..يا مهيه ..يامهيه=من سواك اللي فراقه ..سوى بالقلب المحال
فالعني إبليس لجلي ..واسمعي قولي هنيه=يابعد كل القلوب ..القلب نادى لك تعال
زمني ..زم الصغير ..إن زمه بلهفة ..اوبيه=ولا تخلني أضيع ..بعالم ٍ ما فيه وال
قربي ..صدرك عليه ..ااه ..يامحلاة ..ذيه=بس لا اسمع كلام ..ولا ابي عنها سوال
ويش ذيه ..ماهو شغلك ..ااه من ذيه كذيه=لابدت في شي مال ..ومال معها القلب مال
فاقع لونه بياض ..وفيه ما لاقيل زيه=في شي من هبال ..يورد العقل ..الهبال
يعني كنها مزهريه..ياخي اية مزهريه=هذا شي ِ من خيال ..وصعب وصفه بالخيال
شي غير ..وبه حرير ..ولايبين محتويه=يعني ..ما لايعني احسن دون وصف ٍ او جدال
فيه من طعم الشهد والخمر ..لاجا مخمريه=اااه ياخمر الشهد ..من فوق ٍ خال لايطال
كنها ..تقول طالع ..لجل أموت بليا ديه=ساعة تفك الزرار ..وينفتق دون أعتلال
بارز ٍ يالبى والله (شمته ) لوهي شويه=في ظلال ٍ فوق بدر ..لاتمثناني ..ظلال
أنقسامت ..نهر ..دجلة ..قال لي سلم عليه=وجيت احبه فوق خشمه ..وطحت مابعده ثمال
قال لي دق التحيه ..قلت كلي له تحيه=ثامل ٍ لعيون نهر ٍ ..ماه ما ماه بزلال
يمكن أنه ..لو يذوقه ..ميس ٍ يلقى شفيه=بين حال ٍ ما تطعم وان تطعم بس حال
لا تحدر ..تحت زمه ..بان مضمور الشقيه=وابتدا ذب العمامه ..من قبل ذب العقال
يا عيال الشعر ..غنى ..والحروف الابجديه=لو تحاول ما تحاول ..ماتجيب ام الدلال
المهاة اللي رمتني ..في دروب المهمهيه=ليتها ماقالت اللي قالته ..وقت الزعال
بنت يابنت الرجال ..العلم في صدري شظيه=وكان مايرضيك قولي إذبحيني لك حلال[/poem]