قصـيدة هـنـد ..
 

[POEM="font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]..






..

يا باعث الصوت .. لحظة صمت واسمعني =اطلع عن العقل للــ .. لا عقـل وجنانـي


..
ابلعنة الشعر.. ما يكفي لـــ ..هنـا لعنـي =والذنـب للذنـب وإغوائـي لشيطـانـي

..

يا باعث الصوت.. ( ودّعني ) مهي دعني =وان راح جاني واذا ما راح بـي ( جانـي )

..


الشعر وافي صخـي مـا يبخـل بطعنـي =أكون جاحد نِعم لـو قلـت مـا اعطاني


..

أسقانـي الهـم واروانــي واشبعـنـي =أكبـت شعـوري ويكتبنـي ويقـرانـي

..

للـدرب الاول وذكرى ( هند ) رجعني =وشكـل بحزني سماء وصار جنحاني

..

ما اقـول قاسي نبش ذكراي واوجعني =أقول ناسي سأل عن ( هند ) وابكـاني

..

ولا اذكر إنّــه نسـى في ليـل يجمعني =ويلم شملي على الغايب من احزاني

..

يزرع بدربي دجا ليل ٍ يضيعني =واروح ادوّر على روحي ولا القاني


..

أشلاء أجزاء في بيداء وزعني =وبي داء يجمع قواه بقلبي الواني *

..

إذا غذاءه جروحي كيف يمتعني =إذا غناءه بنوحي لحنه اشقاني

..

بسنان رمح العبث للموت يدفعني =ولو يعلم الموت حالي ما تمناني

..

يا باعث الصوت مخطي يوم تسمعني =اسلم بعقلك قبل لا اعديك بجناني


..[/POEM]

* الواني : الضعيف

عبدالله ثويني


صح لسانك ولا هنت

وتسلم يمينك طال عمرك


وقصيده طيبه يالطيب


دمت بود