بسم الله الرحمن الرحيم


==========



[POEM="font="Simplified Arabic,5,darkblue,bold,normal" bkcolor="white" bkimage="" border="solid,4,gray" type=2 line=0 align=center use=ex num="0,black""]
على درب الظلام امشي و اقول : الله يسـهـّـلهـا = و انا مدري على وين السنين اتسوق خطواتي

وحيد .. وشايل ٍ هم الدروب اللي مـقـابـلـها = تايه في زمن ظالم .. و اضم ّ الخوف في ذاتي

دروب ٍ كلــّـها اشباه و لا ادري كيف اكمـّـلها = اخاف امشي بدرب الموت…واترك درب منجـاتـي

صبرت و ياااا صبر ايوب .. عسى ربـّـك يجمـّـلها = اتـــوه و ما اشوف ألا .. متـاهـاتي .. متـاهـاتـي

يقولون الفرج ياتي .. إلى ضاقت مـداهلـها = و انا فيني يضيـق الكون .. ولا اشوف الفرج ياتي


ألا يا دربي الموحش .. عسى منتـه مـطـوّلـهـا ..؟ = خـذ مـا تشتهي و ارحل .. و ارحم جمرة آهـاتي

مشيتك و الليالي سود .. عوج ٍ ما تحمّـلـها = غرقت بمركب احلامي .. و احسب إن الهوى مواتي



هدّيـت الذي ماانهـد ّ و جبت آخرهـا فــاوّلـها = اشفـق لعنبو جد الدروب و ريحها العـاتي

تبي تكسر ظهر رجل ٍ .. فعــولـه ما توصـّـلها .؟ = تبطي يا زمن تبطي .. ولو طالت مـسـافـاتي

الى منـّـك كسرت الحـلم .. يجيك العلـم و ازهلها = قسم باللي له نصلــّـي .. لا اشوف آخـر نهاياتي

انا مانيب حي الله ... و افهمـها و حلـّـلـها = انا رجل ٍ خفا يمناه ... يهل ّ الجود بسكاتي

رجل ٍ لو قسى حاله .. يمينه ما يجادلـها = رجل ٍ عاصي ٍ قلبه .. و اهينك بابتساماتي

عشت بعالم ٍ كلـّـه .. وحوش ٍ ماتـ/عــاقـلـها = رضيت بقسمة الوالي و تعجبــني مـعـانـاتـي

والى من جتني الفرحه .. على دربي بغازلها = عساها تجبر المكسور .. واعلمها حكاياتي

أبمشي والحياه احزان و اسايرها و احايلـها = و ابترك سالفة عمري تمخطر وسط ابياتي


يا درب ان ضقت في عابر سبيلك ردّه و قلها = قل " يالشمري" منت بكفو تاطى مسافاتي

ولو ترحل عرب طي .. و تنكـر قاع حايـلها = ابـلـطم كـف عايـلها... وابرجع في بدايـاتي

وانا يا درب ما عشت الحياه بشين مايلها = إلا في رجا من قال : تصبـّـر و الفرج ياتي[/POEM]


وسلامتكم




تحياتي

وانا يا درب مـا عشـت الحيـاه بشيـن مايلهـا إلا في رجا مـن قـال : تصبّـر و الفـرج ياتـي محمد الشمري وربك المعبود كأنك تقرأني في هذه اللحظه وتكتبني " درب السنين " رائـــع وكفى تحياتي بالأمس 04:39 Pm

الغالى تسلم على ماخط قلمك وما هاضت به قريحتك الشعريه لنا بهذه الرائعه بروعة حضورك صح لسانك مليون مليون ولايسدوووووون واعتلا شانك ولاهنت تحيتى لك واحترامى اخوك عقاب نهار الشمري