منتديات أبعاد أدبية - (( همـــوم النيــل )) .. مصافحه اولى

منتديات أبعاد أدبية (http://www.ab33ad.com/vb/index.php)

- أبعاد الشعر الشعبي (http://www.ab33ad.com/vb/forumdisplay.php?f=3)

- - (( همـــوم النيــل )) .. مصافحه اولى (http://www.ab33ad.com/vb/showthread.php?t=1355)

(( همـــوم النيــل )) .. مصافحه اولى

بالنصّ الأقرب
اصافح به اياديكم

(( هموم النيل فوق الأرصفه ))

في ليلة ظلمى يعكّرها ضجيج ازحامها
************* يومي على شطّ النهربالنيل فوق الأرصفه

امشي واسرّح خيل همّي يوم شدّ لجامها
************* قلت النهر ياهو دوا همي .. أونه يجرفـــــه

لين لمحتني طفلةٍ باق الظلام احلامهـا
************* تبسمت كني الأمل أو حلمها اللي تعرفـه

يوم اشّرتلي بوردة تبغى رغيف ايامها
************ مع بسمة مثل البريء اللي يبي من ينصفه

مثِل يدين المرتجي هطلِ السما وارزامها
************ مثِل رجاوى طفلة ٍ فيها كلام تسولفـــــــــه

كم صامت الأيام واما الجوع ماقد صامها
************ ياشحّها الأيام معها ..وبالتعاسه مسرفـه !

شفت الفقر يومٍ يبوق احلامها وهندامها
************ مدري تهندمها الفقر ..ولا حواها بمعطفه !

تعضّها الأيام زي ماهي تعضّ ابهامها
************ وش جابها في عالمٍ بايامها متعجرفــــــه ؟

كل البشر حتى الزمن احتالها وانضامها
*********** بنتٍ شريفه همها تلحق سراب الأرغفــــــــه

هامت بوجه الليل واماالصبح ماقد هامها
*********** ماتت أمانيها مثِل طيرٍ رثته .. الرفــــــرفــه

حتى الوروداللي تورّدها تواري ايامها
*********** ماتت قهر من هالسواد الي خذاها منشفه !!

شفت الورود اللي حملتها رمّدت مادامها
************ ذاقت تباريح الظلام اللي كساها بزخرفــه

تكفي دموعك من عيونك شفت كلّ آثامها
************ لا تذرفين الدمع من عينك أنالي باذرفــــه

ياذا المكان اللي حوى همٍ بعمراهرامها
************ همٍ تلحّنها المآسي والليالـــي تعزفــــه !

فقرٍ بهااحزانٍ لآامال يحين اعدامها
*********** هذي هموم النيل شفها بالرصيف مجغرفـــــه

في ليلة ظلمى يعكّرها ضجيج ( آثامها )
************ فيها بـــراءة طفلة مابـرّأتـها الأرصـفـه !

ولكم خالص
تحيّاتي

عبدالعزيز رشيد
ـــــــــــــــــ
* * *

يطيب لنا وجودك في أبعاد
وأهلاً وسهلاً كثيراً بك .

قصيدةٌ تقول أنّنا بصحبةِ شاعرٍ
يستطيع لفت الأنظار .

وسأنتظر المزيد الجميل
كجمال ماكتبت .

لله درك نص رائع

سلمت يمينك

كون بود

أختكـ/شووق

عبدالعزيز رشيد

الف هلا بك في ابعاد

لين لمحتني طفلةٍ باق الظلام احلامهـا
************ تبسمت كني الأمل أو حلمها اللي تعرفـه

يوم اشّرتلي بوردة تبغى رغيف ايامها
************ مع بسمة مثل البريء اللي يبي من ينصفه

قصيدة يقراها القلب قبل الشفاه
صورة شعرية رائعه

هنيئا لنا وجودك

دمت بـ.. ود

عبدالعزيز

صباحك ورد

وأهلا ً بك في أبعاد

حضور جميل

سلم قلبك

دمت بود

عبد العزيز رشيد
أهلا بك وسهلا بمقدمك
يتشرف المكان بتواجدك

هطول يعتصرة فقر الحال لعيون كانت تحلم برغيف

دمت بخير

..

عبدالعزيز رشيد .. أهلاً وسهلاً بك في أبعاد أدبية
نتشرف بتواجدك .. ونسعد بمتابعتك

بــ ( هموم النيل فوق الأرصفة ) وبأسلوب وتصوير
شاعر متمكن نقلتنا إلى النيل لنقف على ذلك المشهد

عبدالعزيز رشيد .... لك الشكر والتقدير
دام تواصلك الجميل .. أرق التحايا لقلبك

..

***
عبدالعزيز رشيد:
لكَ.. الفضاء.. بأسره..
ولَنا.. ماتجود.. به.. كهذا.. النصّ.. الوارف..
فأهلاً.. وسهلاً.. بك..
من.. ألفك.. إلى.. مابعد.. ياءك..