(( ســكــر الارض ...!! ))
 

بسم الله الرحمن الرحيم

بسيطه تتهادى امام اذواقكم
لعلها تنال القبول
بهدوء اليكم
((ســكر الارض .. ))

"
\
/


انا.. يــ انا الفعل ردة فعل من فعلك
قدام لا اسأل سؤالي جالك (( الانسر ))

"
روحي بعالي صروحي لازم اطلعلك
من وحشتك ضاقت انفاسي معاد اقدر

"
اني اقاوم شعور ٍ حي يدفعلك
لا اوحيت همسة شفاهك ..مذهل المنظر

"
غلاك دربي ..وقودي شوق.. واقلعلك
مالي وللارض والاطلال والابحر

"
سبع الاراضي ماتنفعلي وتنفعلك
المنتصر فوق والقابع تحت يخسر

"
ادركت كم كنت فوق الارض متصعلك
فقط وانا اجلس على يمناك متبختر

"
اسرق من اهدابك النظره واطالعلك
لاقلت لي تو عرش المملكه نور

"
وانا اتنفسك والشرد تدافعلك
النادره تقترب وتردها الاندر

"
شاعرك ساطع شعور الشعر يهجعلك
وشلون اصوغك سحر وعبارتي تقصر

"
نثرتني جمع وان جيت اتجمعلك
انا وشعري على محياك نتنثر

"
لاتقول لي كيف وعيوني تدامعلك
دمع ٍ من الشوق فوق الخد يتكسر

"
خرمان صوتك در الترياق بسمعلك
اصلا ً كلامك شعر من دون ماتشعر

"
ناقوس الاشعار ف الاسحار يقرعلك
صخب قباب المشاعر ل انتشيت اكثر

"
لحن الغرابه لامر شفاك طاوعلك
شنف سموعي وجوي مخملي ممطر

"
اغريت حتى الثواقب طوع تخضعلك
استغفر الله على قيثارتك تسمر

"
صوتك.. و اثار الجماد اكيد يشفعلك
وشلون اصدق بقا عالم ما تتأثر

"
اليا استمع لك حمام القلب يسجعلك
ردة فعل جات.. لو فالبال ماتخطر

"
الناي .. عود القصب شفها ترودعلك
من سكر الارض لحن ٍ سامعه يسكر

"
سما سما الارض بعد اليوم ما ارجعلك
اسقيت بذر الغلا دمع السما واثمر

"
قم غنلي غابت الاصوات ابسمعلك
ماغير انا وانت تبغاني بعد اصبر


"
الروقي ..ن..