قلي شْـ أقول ..!!؟
 

نص بسيط كـ محاوله مباشره لا أكثر ..

تقبلوه كـ إحساس ربما !

وكل الود






.

.

.







بعض الغرام يســم الأرواح ويميت من أوّلــه
ـــــــــــــ وبعضه مثل وبل المطر وقت الوسم يبعث حياه

وبعضه مثل بعضه يمر من البقايا المهمله
ـــــــــــــ وبعضه تحت وأد الظروف الكايده في مبتداه

هنــا

هنــا..


هنا / هنا/ جيت أوْقف أعيشك وله كلي وله
ـــــــــــــ هنا / الحكي طار وتلعثم من مخارج للشفاه !

هنا / السوالف واللقا , هنا أصعبه هنا أسهله!
ـــــــــــــ هنا/ الفصول الحالمه , هناالأثر وين الرواه ؟

هنا إش تقول إن سمّني منك الجفا في مقتله !
ـــــــــــــ هنا إش تقول ليا انتهى الوسم وسحابك ماسقاه!

( قلي شْـ اقول ) ان زارني طيفك وأنـا أتـأمـله
ـــــــــــــ قلي شْـ اقول ان هـالتأمل ماكسب شي من رضاه!

( قلي شْـ أقول ) ليــا تلاشـى من وفـانا أجمله
ــــــــــــ ( قلي شْـ أقول ) ليا افترق دربي ودربك عن مداه !

وش عذرنا لو/ مـ ارتوينا من الغلا في مُجمله
ـــــــــــــ وش عذرنا لو / ما يجاوب بعضنا بعض بهواه !؟

وش عذرنا لو / مابقى منّا إلا بعض الأسئله
ـــــــــــــ لازارنا جدب ( وأنا وإنت ) على هامش صفاه !!

طيّب تعال وقول لي وش اللي ممكن نفعله !؟
ـــــــــــــ من قبل هاك الغرام يصير ( أنين وبعض آه ) !













عذرا لكم

هنا هنا هنا
هنا هنا

أحضر لحجز مقعد وثير
ولي عوده تليق
لقلبك كل الورد والود يا أبا عمار

وهل عمرك كتبت شيء بسيط يا بو غنيم


لا تكتب إلا مثل هذا الفاخر وماهو أعلى منه

سلّم لي عليك

مالك عذر بها الابداع

النص جميل بكامل تفاصيلة ياسالم

طرا علي التكرار الذي يعيبه بعض النقَّاد في القصيدة

وأنا أضن العكس تماماً .. إن لم يكن هذا التكرار مملاً كتكرار الكلمة نفسها بدون فائده للمعنى

( قلّي شـ قول ) .. تكرار يفيد الإلحاح وكلما تكرّرت كلما رقَّ النبض أكثر وارتفعت وتيرة الشعر


سالم أنت مبدع ولا شك في ذلك
بس حبّيت امر وكان في بالي كلام




لك التحيَّة

القصيدة رائعة واشكرك لروعة كلماتها

ودمت بود