{{ .. بنات الخليج .... و .... السياحة الخارجية ..}}
 

[POEM="font="Times New Roman,5,black,bold,normal" bkcolor="skyblue" bkimage="" border="double,4,gray" type=2 line=0 align=center use=ex num="0,black""]البارحه في وسط ساحات عاليه = واليوم في وسط الديار الخليّه
يوم(ن) كل(ن) ماسك(ن) يد غاليه=وأنا من الحسرات حالي شقيّه
أشوف شي(ن) يجرح القلب تاليه=بنت الحمايل للمفاسد ضحيّه
باعت شرفها والفرنجي تباريه=لاعاد لا حشمه ولا مقدريّه
ياصاحبي وإن باعوا الطيب نشريه= حنّا هل العادات والشاذليّه
يقطعك يارجل(ن) تكشّف مخازيه=اللي على النسوان مابه حميّه
راح يتمشى والبلا في تمشّيه =راعي ولكن ما حفظ للرعيّه
عود(ن) وتالي عمره إبليس مغويه= في مظلم البارات حطه خويّه
يشرب شراب(ن) عقل الانسان يغديه=وإلى غدا هانت عليه الخطيّه
عود(ن) يبيله مخطر(ن) في علابيه= فاسد ومجرم والبنات الضحيّه
والذيب يسري والبلا في مساريه=يفرس رباع إن ما لقا له ثنيّه
وكان الحضاره تلغي أغلا مباديه= لا بو حضاراة الشعوب الغبيّه
راع الشرف كل(ن) يحبه ويغليه= وراع الردا ماله ترا قابليّه
بعض النساء بالحب كل(ن) تخاويه= خبله لوّ إنه في عباة أجوديّه
درب الردا دايم تجي في حراويه= بسباب غيره بس ما هي نقيّه
وألا بعضهن عز أهلها تداريه= متّحضره وألا تعيش إبدويّه
مثل الحرار اللي رفيعه مرابيه= وألا الورود اليانعات النديّه
درب الردا يا بنت وش هي تواليه= غير الضياع بليلة(ن) سرمديّه
وين الرجال اللي تعرف المشاريه= اللي لهم بالطيب روحه وجيّه
راع المرض وإن ما لقاء من يداويه = يعدي مرضه إن ما برا كل حيّه
ليت السحاب اللي تكاشف مناشيه = يمطر على ريضان نجد العذيّه [/POEM]

اخوكم .. فهد الغنام الشمري

هنا فضاء مليء بالشعر

مغر ٍ للتحليق


شكرا ً لقلبك

لشعرك


تحياتي وتقديري

الف شكر على المرور الرائع والجميل .... والكلام الذوق والراقي .



صح بدنك .. ولاهان راسك

فهد الغنام

صح لسانك ولاهنت شاعر متعدد في مواضيعه جزل في طرحه

دمت بخير

======================================

صالح الثبيتي ... مرور امثالك من الشعر اء يعني لي الشي الكثير ..




الف الف شكر لك على المرور والكلام الجميل يالغالي .




صح بدنك ولا هنت ولاهان راسك ..





دمت بكل الود ...