لو خيروني
 

[poem="font="simplified arabic,5,orange,bold,normal" bkcolor="black" bkimage="" border="none,6,gray" type=2 line=0 align=center use=ex num="0,black""]لو خيروني بين نارٍ بيمناك = وبين جناتٍ بيمنى المماليح
لا اختار نارك يا الوفي لا عدمناك = وش لي بجناتٍ بليا مفاتيح
يا سيدي ما اظن تهنى ويهناك = جرحي وقلبك طب كل المجاريح
خلك على خبري وعلى ما تمناك = وعطني على درب المحبة تصاريح
جيتك بصدقي لا هنيا ولا هناك = جيتك بحبٍ صادقٍ دون تلميح
لاني وزير ولا أمير يتبناك = ولاني مبنك ومن كبار الطحاطيح
أنا بدويٍ عشت في ضيق وضناك = ممسك عصاتي وممسك الوقت لا اطيح
ما ضقت من ضيقي ولا قلت يا غناك = الله اللي يرسل الرزق والريح
إن جيتني فابشر فناجيل تدناك = أبشر وقلبي لك دلال ومقاديح
وان رحت بصبر عن فراقك ومفناك = واعيش لك وقتٍ أهيمه بتباريح
احبك بشعرك وظفرك وحناك = واحبك بكحلك إلا شفته إيسيح
واحبك بخدك ونحرك وسحناك = واحبك بكلك وكلك تفاضيح
لو كنت يم ٍ بك سبحنا وغصناك = وجبنا من اعماقك دروع ومسابيح
ولو كنت ارض ٍ ارتحلنا وطفناك = واليا تعـبنا في سهولك مماريح
ولو كنت ليل ٍ يا حبيبي سهرناك =ناخذ من عيونك شموع ومصابيح
ولو كنت صبح ٍ اصطبحنا بمغناك = على ورود الحب وعشب ومراجيح[/poem]

حضور اول

بين احضان هذا المتصفح

عوض

دعني اتمرجح على ضفاف

الابداع

ودي

خالد علي اليامي
ممتن لحضورك
وحياااااك ربي

تحياتي

صحة أبدانك أختي الكريمة
ولا عدمت طلتك البهية

تحياتي