رسم المشاعر












[poem=font="traditional arabic,6,black,bold,normal" bkcolor="transparent" bkimage="" border="solid,4,white" type=1 line=0 align=center use=ex num="0,black""]

سلْهم الشوق فينــي ليه مرْســم جديــده=وانت رسْم المشاعر وانـت من يحتويــها



كلّما نـــام جفنك ذابـت ألفي قصيــده=ولاصحت تشرق الدنيا ضيـا من صحيـها



صورتــك هي مساري سالكه في وريده=ولّـعت ضـوّ فكري والفكـر مرتويهــا



لاغدى حبر شاعـر يرسمــك ضاع قيده=غيـر قـلبي رسمهـا لانـّه اللي قويهــا



في قصيـده عزفها مـن يسافــر نشيــده=وغرد الطير عذبـــه وانثمــل من قريها



دندن العــود دانــه دام وتــره وقيــده=قوم يا مـن عـزفهــا خلنــا نحتسيهــا



وانت ياشوق عجّــل فـي قليبــي وعيده=الوعد منْك جمـــره والصـبر مشتريهـا



خلّ عينـي تكحّـل كحْـل قمــرا رغيـده=لهفـة الشــوق علّـه ما براهــا عويهـا



مـا براهـا غيابـك او رسايــل عديــده=خلنا في حقيقــه صــوت صــوره نبيها



العمرْ صـار يمضـي والمسـافه عنيــده=والامـانـي كثيـره ودّنـا نـبْـتـديـهـا



من قصور المحبه لي عهــودن وتيــده=أسكب الـودّ مزنــه والليالــي خويهـا



واشتياقــي تصبّـر والفـرج ذا عضيده=وجهتي صوب ظلك والطــرق نعتريهـا



ما جهلـنا طريقــك دام نورك وكيـده=البصيـره تشوفك والخطـى ماعميهــا



هاك ميثاق حبري خاتمــه في طريـده=توصلـك مع وصالي ياعسـى ترتضيها



نبضها من خفوقي رسمهــا من عقيده=جوها في مـحبه والسمــاء تصطفيها

[/poem]





















رضوان الهاشمي



2009/8/5م

المشاركة الأصلية كتبت بواسطة جُمان (المشاركة 501500) رضوان الهَاشمي عذبٌ وأنتَ ترسُم المشاعر وتغمِسُنا في عُلبةِ ألوانِك تفاصِيلُك الجميلة في النَّص تُرتبنا على رف بَهجة خلابٌ .. والطبيعة تتنفّسُ بين كفيك . .

المشاركة الأصلية كتبت بواسطة سعـد الوهابي (المشاركة 501512) . . . القدير " رضوان الهاشمي " صح منك كل بيان وبنان أخذتنا بـ جديدك حيث الغيم لله درك ودام ضياؤك احتراماتي سعـد