السلام عليكم



صباحكم / مساؤكم جميل



كل عام وبلادنا وحكامنا بخير ..

مكالمة الامير محمد بن نايف مع الارهابي المنتحر / اضغط هنا للمشاهده والاستماع


بعد سماعي لهذه المكالمة التي جرت بين الامير محمد بن نايف حفظه الله .. والارهابي المنتحر ..

كان لابد ولزاما علي كتابة ما خالجني من شعور تجاه هذا الرجل العظيم صاحب الايادي البيضاء الاب العطوف والخايف على ابناء بلاده من استغلال الاشرار لهم ..

الى مقام سيدي / محمد بن نايف اقول :

http://up.arab-x.com/Aug09/VuW58502.gif


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الشعر ياهل الشعر حانت فاقته =ولا خير في شعر ٍ على غير اتجاه

اتعب على بدعه .. وانقي باقته = لو كنت اجيبه من نحت صم الصفاه

اكبر من طروق الشعر وسياقته = ما شفت من جرم الغدر عند الطغاه

شرذمة ٍ دم الوطن اراقته =دستورها تكفير مدّين الصلاه

لو كان تجهل طعم جرم ٍ حاقته = ماكان وجه الليل يسترها دجاه

لعبت على خبل ٍ .. جحد علاقته = غاوي دليل ولا درى ويش السواه

قام يتمايل من طرب طقاقته = كرس لها بين المهالك ما جناه

خاوي فكر .. لو تجذبك لباقته =مثل الضرير اللي فقد نفعة عصاه

اعّيا طبيبه .. من بلا حماقته = وازهق حياته من خبث فكر ٍدعاه

نوّخ بعيره .. يوم ضيّع ناقته = لفت عليها ام الكباير من رداه

ام الكباير من رداها ساقته = في ذمتي من ساقته يلعن ثواه

ماهوب منّا .. كنسلوا بطاقته = ملعون خيّر من نكث بيعة ولاه

جعله فدا راس الوفا وعماقته = اللي على درب الوفا عطر ٍ نباه

روح الامن .. امن الوطن في ساقته = حامي بلاده ما توانى من وفاه

حر ٍ مواكير المعالي تاقته = يشلع لها يوم الردي يقصر خطاه

لا ما تخاذل .. ما يوّفر طاقته = لين خضعت روس الاعادي من دهاه

وجه ٍ تباشير السعد طلاقته = غنالها من زود ما ردت صداه

رايه سديد .. وميزته / حذاقته =يعطيك نبذه عن مفاهيم الحياه

ليث ٍ تدابير العدا ما عاقته = يسوق روحه فوق كفه من صخاه

هذا ( محمد ) .. من طغى بشقاقته = السيف الاملح كان ما عوّد دواه

من راس شيخ ٍ سيرته سبّاقته = تاريخ مجده .. منْحصر عند الرواه

( نايف ) .. نواميس الفخر عشّاقته =سيّد مقاديم العرب واده الدهاه

مزبان .. من كف الشقا .. طرّاقته = يبشر بعزه لا زبن منها ذراه

حاكم .. حكيم ..الطايلات .. شفاقته = شيخ ٍ مداغيش الوغى ترجي رضاه

وحنّا على عهد الوفا وثّاقته =ما نختلف مدامنا قيد الحياه

في ظل ابو متعب نعيش بساقته = اقولها والسيل ما يلحق ثراه [/POEM]



لكم تحيتي

صح لسانك مدد


والله يحفظ ولاة امورنا من كيد الخوارج



بالفعل هذا وامثاله لا هو منا ولا يمت للدين باي صله



تحياتي لك والشهر عليك مبارك

المشاركة الأصلية كتبت بواسطة خالد صالح الحربي (المشاركة 514539) : أدهشني صراحة أن تكون قصيدة الموقِف بهذه القُوّة وَ بهذه الفَخَامَة !! ليس انتقاصاً من قدراتك ياجزا أبداً والله ، ولكنَّا تعوّدنا أن تكون قصائد المُناسبات والأحداث عاديّة جِدّاً . رائع يارجُل رائع .

المشاركة الأصلية كتبت بواسطة عبدالرحمن السمين (المشاركة 514541) جزاء البقمي الرائع والمتحدث بأسم الأبداع صح لسانك وقلبك فخم وفاااخرر مودتي لك يا مدهش .