عندما كنت أغنّي..!!
 

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]على صدر الورق سال احتضاري=سكبته حرف من نبرة أنيني

يذوب الشمع في ليل انتظـاري=.لـصبح في متاهاتـه حنينـي

قطعته درب في عمر الصحاري=سراب بدد فـي عينـي يقينـي

كتبته غربة تعنـي انكسـاري=وقريته عبرةٍ حارت فـعينـي
.
أتوه بـ لهفتي وأنثر سـواري=وكحل من عيون الشوق فينـي

فـعذرٍ من قميص الصدق عاري=سترته عن هدب عيني فـعيني

ضويته بالوفا من نـور جـاري=وحضنته بيـن آهاتـي وبينـي

لبست من النّـدى زيٍّ يـواري=عن عيون الشفق حمرة جبينـي

قطفني حلم في ليـل انتحـاري=ونسج إكليل من زهرة سنينـي

فدته الروح ...يفداه انكسـاري=وبحة صوت مع شوفه تجينـي[/poem]

خرافة..!!
 

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]جاد لي غيثٍ على غصنـي مومّر=وإن همى في واقعي روحي تعافه

(من بغى روحي لقى روحي تذمّر=ومن بغته الروح في ليله مسافة)

كود حرفٍ من شقا حظّي تضمّـر=يجفله مـن خافقـي كثرارتجافـه

يوم كنّا و كان لـه قلـبٍ تعمّـر=لهفتي..صوتـي وآهاتـي خلافـه

ليت شعري لاهمى قربـه تسمّـر=وأورق بـعمري فرح أروى جفافه

في عيوني في فساتينـي تجمّـر=شوق بحر حايـر يلقـى ضفافـه

من يقول الورد في غصنه تخمّر؟=لو يكون بخاطره روعـة قطافـه

هو كذا جرحي ولـو شفتـه تزمّـر=مايهدّي روعته طيـفٍ يخافـه!!

يتساقط فـي شعـوري ويتثمّـر=في عيوني نرجسٍ يروي عفافـه

أتـوارى فـي طيوفـه وأتغمّـر=وأتنفّس نزوته لحظـة خرافـة[/poem]