رد الـشـتـا والـمـطـر والـغـيـم لـبـلادي ،،، !
 

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]رد الشتى والمطر والغيم لبلادي=والصيف ولـّى وتلاشى والبدو شدو

اشوف كلن يردّ ولا غدى غادي=الاّ من اغليتهم راحو ولا ردو !

الشوق في داخلي مشتاق واينادي =وين اللي ارخو معاي وليش ما شدو ؟!

والنفس ما تشتهي والقلب متمادي=والروح تتبع هوى اللي للجفا لدو

ياليت قلبي يطيع ويفهم اعنادي=ياليت روحي مع اهل الطير لا هدو

اقول صدو واقول افراقهم عادي=والعالم الله اقعدو ماكنهم صدو

ضاع الوفا والصبر محمود ياحادي=لا صارو اكرم بشر بالوصل ما ندو

تدري متى اضّيق الارض ومسكنك وادي؟=لا شفت بعيونك ان اللي بنو هدو![/poem]

هذا الجمال /
بنكهة البن والخيام ومضارب البدور

نص جميل جدا

تحية لقلمك العذب

يَاحْسِيْن
لاأصْدَق مِن حَديْث ُ الرّوح
قَافِيَتُك فَاتِنَهـ
نَص جَمِيْل بِمَبْنَاه ومَعْنَاه
مُمْتِع

الغالي حسين

هنا شعرت بك ..وبترف

اشـوف كلـن يـردّ ولا غـدى غـادي
الاّ مـن اغليتـهـم راحــو ولا ردو !


ورب القدس لو لم تكتب سوى هذا البيت لكفى


لله درك