اخواني / اخواتي
نص اتركه ليرتقي لذائقتكم الرفيعه وليشفع لي الغياب عنكم وطول البعد

هزيت جذع الذاكره واحسبك طحت
اثر الدموع بهزة الشوق طاحت

ياللي على طول البطا ما بعد رحت
شوف الضنون بغيبتك وين راحت

وشفني من الاحساس قلبي توشحت
مشاعري من طيب الاحساس فاحت

بسمك تعطر هالمسا لين ما اصبحت
واصبحت نفسي في مساك استراحت

ياحلمي اللي فيه ما يوم انا افلحت
فيه الليالي كل ما بان شاحت

وصلك على كل المفاهيم رجحت
هقواتنا وشلون عنا تناحت

الحب ذقته والغلا منك مالحت
وانفاسنا من لوعت الشوق ساحت

ناحت حمامة دار عندي ولا نحت
هزة غصون الذاكره يوم ناحت

ولو كان ما صوت بسمك ولا صحت
اصواتنا مع طول الايام صاحت

في غيبتك ما اقول انا طبت وارتحت
كلي جروح ن في غلاك استباحت

سهم الوفا عند الوفي ما نزل تحت
لو الظروف بسهم الاحزان لاحت

عن هاجسي في لحظة الشوق لمحت
حتى الملامح في خفى الشوق باحت

وعن شوفتك ما يغني الرسم والنحت
اذا الفرص في شوفتك ما اتاحت

لاحت مواري جيتك وانت مالحت
الليل ودع والاماني تضاحت

محسن الشاهر

والعود أحمد

من طول الغيبات جاب الغنايم كما يقولون أما محسن الشاهر أتا بالقنايم والشعر معا ً

جميل جدا ًهذا السهل الممتنع

شكرا ً لك وتقبل مروري هنا يامبدع

ودي وتقديري

ياللي على طول البطا ما بعد رحت
شوف الضنون بغيبتك وين راحت

الله يا محسن
عذب ورقراق
توقفت عند هذا البيت الجميل وكل
شيء هنا جميل
كل التحايا

تَقذِفُ بأعيُننا باتجاهِ المَدى حِينَ تعودُ وبِمعيَّتِك الشِّعرُ على هيأةِ غيمٍ ومَطر
قصيدَتُك في منتَهى العذوبة

أهلاً بِك بعد غياب
ومرحباً كثيراً
.
.

الجميل محسن الشاهر

الله عليك كم انت راااقي

نص مدهش وأكثر من رااائع


واحساس عالي الشاعريه


لله درك على هذا الجمال


ودي وتقديري