.
.
.

يا احلى ثلاث سنين من عمري=واغلى ثلاث بعمري الباقي
يا ادفى حضن يشتاق له صدري=واكثر غيابه عذر لأعناقي
مثل ما كان لغيبتي عذري=يشوف نار الشوق بأحداقي
والا يشوف اشلون في حبري=تنقش بياض ايدينها اوراقي
قبل ضيوف الليل ما تسري=على موسيقى حزني الراقي
لحظة فرحها كل ما يطري=خيال وجهك لحظة اغراقي
لو يبتسم يرسم على فجري=فرحة افول الليل وأشراقي
ولو ما يقول لـ ساعتي بدري=دمعة شعوري تسبق فراقي
اذبل ويذبل داخلي زهري=وبلا شعور استعطف الساقي
او اتخيل كيف لو يدري=والا وهو يستعجل الحاقي
اسرح معه يقودني فكري=للضيق والعبرة على ازهاقي
لين اكتشف في بلوتي ندري=واصر في ندري على احراقي
يبا الفراق يعشعش بطهري=ولا مقولة يمكن يلاقي
مهما انكسر ما ينكسر ظهري=ولا تضيق بيوم افاقي
صحيح صرت اتنفس بقهري=وبالدمع طالت فترة انفاقي
لكن قسم بالله من صغري=وانا الوفا والطيب ميثاقي

.
.
.

اخوكم :

سَعد مسهوج ..
الشِّعرُ مَعك جِنانٌ مُترفة وَسماواتٌ تعتَمِرُ الغَيم
تُفصلها على مَقاسٍ يتناسَبُ وإحساسَك الواسِع

شُكراً كثيراً
.
.

المشاركة الأصلية كتبت بواسطة سعيد موسى (المشاركة 561793) هذه المرة ياسعد أود تقبيل جبينك على هكذا شعر شعور , على هكذا صدق صدوق , دمت ياودق

يا ادفى حضن يشتاق له صدري
ــ اكثر غيابـه عـذر لأعناقـي
مثل ما كـان لغيبتـي عـذري
ــ شوف نار الشـوق بأحداقـي

مع هذا الدفء لن نشعر ببرد مساءتنا
كل الشكر ياسعد لمنحنا المطر والشعر