عيون الـذواري ..!!
 

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
وش تفيد السوالف والمدى في سكون = والخطاوي توارى بين درب وسفر
و وش تفيد الشواطي والبحر مايمون = وكل حزنٍ في صدري مركب بلا بحر
قلت انا الله وكيلك لا تحطّم غصون = ماعاد أقوى على قوْ احتمال وصبر
كيف اداري عن عيون الحزين الطعون = والنوارس على جسري تودد طهر
وش انا ألا مشاعر والمحبه دخون = في حقيبة سفرها من نباي العطر
و وش انا ألا قصايد ماتوارى بحصون = تعبر الصعب تحمل للرحابه صدر
و وش انا ألا شجون اللي بقى من شجون = بين قلب المحب ونبض من له سبر
وكان باقي على خبري وقلبك حنون = شتت الحزن هذا مابقى بي حذر
كيف امر بعيوني والذواري تخون = كل عينٍ على المرقب تحرى خبر
لامتى هالذواري بين شكلٍ ولون = كل مامرها الطيف اسرفت به قهر
تهدم الروح تبني جسرها من الظنون = والخطر مثلي ينادي من في باله خطر
في نهار الوداع المر تدفن جفون = ماتقر بمسافات وغياب ودهر
تكْبر وكبّرت في كل جال بجنون = واللي يسبر لها الدرب إلتقط له حجر
ياعيون الذواري قبل تعمى العيون = خافي الله ونامي كان عندك نظر


[/poem]

وسفر للقلوب وللطيور وللمطر وللعطر وللورد
على أجنحة هذا الصقر تأخذنا لوطن من الشعر أسمه سالم الجهني
صوت البوح الصادق والصدق المباح
أفاااااااااااااااااق أبداع
الجهني
كن بخير يا وجهه

سالم
كنت هنا / اتنفس الشعر / اتنفس الجمال

سوف اغرق كثيرا

يا ألله ياسالم

هادئة كما قال بعضهم ولكنها إحترقت بصاحبها حتى نضجت
النص هذا اميز من الاميز دائماً

سلام والشكر الجزيل