غريبه بس تتشابه ..
 

السلام عليكم ورحمة الله وبركاته

من كوخ الحزن استخرجت هذي الدموع ومصافحتكم مناديلها



[poem=font="traditional arabic,6,gray,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]


ماعاد فرحي يقاوم شي اببدابه=والحزن ياقوّته لا جا بيبدابي
لا غمّض الهم يفتح حلمي ابوابه=وياسرع همي على تقفيلة ابوابي
الصدق مركب تحطم بِيد رُكابه=كنّ البحر من سواة الناس منصابي
البارحه شفت وجه الصبح يقرابه=بأفكار قلبٍ عليه عيون تقرابي
يا حلو ليلي ومرسامي وأحبابه=لامن طروا لي يهلّ الماضي احبابي
احن وافرح ويفتح دمعي اكتابه=ويوقّع الحزن واشقى به على كتابي
ياعين كم لك على هالخد سكّابه=ياعين كم له شعور الضيق ينسابي
منّك يديني غدت للكل كتّابه=المشكله ماجفاني غير اصحابي
ومن هو يصدق..صباحي بيّن انيابه=ماعاد اميّز مابين اعداي واقرابي
حاولت اقاوم حفيف البُعد واسبابه=وابطا زماني مع المحبوب متصابي
الحب طفلٍ يسيّل طيبه لعابه=دلوع خلقه .. بفيّة جدته رابي
الحب ضيّع شعور اللي بيعنابه=ودليته الدرب والمعتوه غلابي
ارقى بحلمٍ اخبر الخل يرقابه=وخلي بوسط الفؤاد ودوم يرقابي
فيه الوصايف غريبه بس تتشابه=ما اذكر سوى مدة ايدينه لالعابي
لكن خذاه الزمان بصحبة غيابه=شفني رميت الغياب ورحت بغيابي[/poem]

لكم القلب ونبضه
امجد الدبيسي

رائع يا امجد

تحية لك

ليس هذه القراءه الأولى

لهذه المنسكبه إلى أعلى المتماهيه مع الروح والأقرب لها

مبدع بل مغرق يا أمجد


تحياتي لك وتقديري

قِرَاءتُك تَفْتَح شَبَابِيْك الرّضّا
نَص جَمِيْل لاسْم ٍ أفْرَحَنا ومِن حُضُورِه الأوّل
دُمْت بِود

ارقى بحلمٍ اخبـر الخـل يرقابـه
وخلي بوسط الفؤاد ودوم يرقابـي
فيه الوصايف غريبه بس تتشابـه
ما اذكر سوى مدة ايدينه لالعابـي
لكن خذاه الزمان بصحبة غيابـه
شفني رميت الغياب ورحت بغيابي
.
أمجد الجهني
معزوفة ولا اروع ولااجمل
دمت بخير

اهلا ميرال
صباحك عطر بياض القلب
ومسائك اجمل منه
استبشر المزن بهطولك النقي
تحيتي