على حسّ .. محمد الدحيـمي... ساري الليل
:..: http://img103.herosh.com/2010/03/19/882184405.jpg ساري الليل : ساري الليل لاتشره على الحاره لاتغش الجروح /ولاتلململها خلها في (ظلام الطين) محتاره لين ما يقدر الفلاح/ يصرمها عيد ميلادك /اللي شاعت اخباره ومولد(اعياد روحك) من يقدمها طاح فوق البحر (مليون طياره ) اصبحت في يد امواجه خوا تمها اولك/ عشق مزيونه/ وغداره الخناجر/على الموعد تولّمها واجملك/ للامل بعيون بحاره (رجعة الغايب) اللي كان يحلمها اعمق من الزبرجد/ جوف محاره تسكن ابعد ركون البحر / واظلمها واطعم من العسل /لاحانت ازهاره شوكها لك / وللعشاق بلسمها اه ياقلبك /اللي يكتم اسراره وياثلاثينك اللي كنت صايمها شفت روحك/ تشيل العز/ ووقاره في عمامه على راسك/ تعممها السحاب المسافر/ يحمل بشاره والهبايب لغيرك / ماتسلمها قلت (تكفى) وجتك جيوش جراره كن (تكفى) ولد جدك تغنّمها غردت بك /حنين/ وغطرفت ساره وكل عذرا /تحسس حول مبسمها من لهيب (الصدى والصوت) وشراره العفاريت / ترجع صوب قمقمها كل جني يشق القلب/ باظفاره انت تقدر على اظفاره تقلمها قحم النيمسي /وتعلق جداره وماتت (ام الذخاير)/ في محازمها وانت عندك (عزوم الروح) جباره حي روحً تقدِمها/ عزايمها كل مخلوق /باحواله /وباقداره والله اللي يبدبرها /ويعلمها نفس كل ادمي بالشر اماره مير نفسك على الطيبات مرغمها : : http://img103.herosh.com/2010/03/19/882184405.jpg سيد الليل سيد الليل ليلك ينشر انواره شعشعت بالاماني من مناجمها اول افكار عقلي/ واخر افكاره ترجمان المعاني/ ما يترجمها شاعرٍ مع شعارك/ يرفع شعاره مايحسّب للامواج/ وتلاطمها حسبك الله على الشيطان/ وانصاره وحسبنا الله على ( الريان) واسهمها الخساره /ماهي باموال/ وتجاره الدنانير/ تفداها/ دراهمها الخساره /ليا دنى جبل قاره ولاانطرى في (اجا) تاريخ حاتمها ياعلم /من طموحه/ تشتعل ناره ينحسب /بالتواريخ /ومعاجمها بنت ابو زيد /غداره /ومكاره ولعت نار ميسمها/ بمرسمها والذلول/ التي بالركب دواره (ناقة الله) تزكي زيت سمسمها مايبان الشجاع.. الا في الغاره وماتهيج الجروح/ الا من اقدمها والله ان الذي يرمي على الشاره معركة (نصف لحظه )مابييحسمها كل (تاريخ حافل) صعب تكراره وانت (حفلات تاريخك) تزاحمها صقر سنجار/ في مرقاب سنجاره حومةً /ماتفيده/ مايحوّمها من نوى/ يرسل التذكار تذكاره شرهته بالعلوم /اللي تعلمها ياوجوده/ وجود اعور بنظاره خايف الناس /لايكثر تشاؤمها وياوجودك /وجود مضيع اثاره والخلايق/ تسوّقها /وتقسمها كل مذنب/ وله بالشرع كفاره غير من يسرق العالم /ويظلمها والذي ماحفظ للشهم مقداره جعل عينيه/ قبل الفجر يعدمها تعطي اهل الكرم /بكفوف مدراره وشيمة اهل اللوازم في لوازمها ليت قلبك /فتح قلبه لزواره كان (حادي قلوب )الناس وسمها من تبهلل /فلا تستغرب اطواره بعد بكره/ تماثيله / يكلمها والخشب/ وان شكى همه / لمنشاره لهجته /يعجز النجار/ يفهمها http://img103.herosh.com/2010/03/19/882184405.jpg شاعر الليل : شاعر الليل وان خان الوفا داره سج.. يم المجرات ومعالمها خالف السندباد/ بخط مشواره وافرد اصابع ايدينك/ ونجمها معصم المشتري/ سوّره باسواره والكواكب (ينات الشمس) رقمها وابن لك في مداهيل القمر حاره واحتطب سدرة المريخ/ واضرمها ربما يستغير البدر من جاره ومع شعاعه / مواويلك / ينغّمها لكن .. ان حن لك ميسااااان .. واصداره .. واشتهتك الطواريق ومراسمها كيف تزرع على المريخ نواره ؟؟؟ وكيف تحرم جروحك من مواسمها!!!!! ـــــــــ ــــــ ـــ |
الساعة الآن 03:14 PM |
Powered by vBulletin® Copyright ©2000 - 2024, Jelsoft Enterprises Ltd.