منتديات أبعاد أدبية

غفيت شمس الدنيا بعيني لمن ودعنا نيسان
وريح الغربي المرني وهزني ينثر غيم
والياسمين يكحل رمشي من مبسمها
وفتح بخدود الحلوة زهر الرمان.
بأول أيار تعاهدنا وتواعدنا الشمس الحرة بحضني تنام.
واتصورت الدنيا بنية بأول عمر الورد مفتحة
شقد تعجبني الحلوة الزغيرة.
ورد الجوري لا تزعلها و اتغازلها.
هي حساسة مثلك وردة
هي الروح التسري بيّ - دم عروقي
مية بردى و كل من أفطر عدها صام.
ومنهو العنده مثلي جنة - سور الجنة فضة وحنة
وآني الهايم بيها وحدي.
مرة تغنلي اليادي ومرة ترغل يا حمام
وتدري العاشق ما ينلام.
غفيت شمس الدنيا بعيني
وشمحلاها لمن قرص الشمس ادّور
صارت خمسة وعدت ستة وبعد الستة
وخيط الضو اتفرفط بيدي
وبين ضلوعي شبت ترعد
نار بقلبي وشيطفيها
شلون العاشق قُلي ينام.
يا ا لما تدري شنهو البيَّ
قرِّب عندي خلني أشرحلك و اسمع مني واشقلتلها:
أنتِ الحاضر وأنتِ الماضي وأنتِ سنين العمر المجبل
أنت الدنيا وأم الدنيا وكل الدنيا
وغيرج ما عندي يا شام.
غفيت شمس الدنيا بعيني
وشفت الوقت مشيل حملو
ومية دجلة تصب بالفيجة وتدمر عالساحل تتمختر
وسبعة من أبراج القلعة تصفقلي
وأني المتوشح عمري مجند وحزام وغيرج ما عندي يا شام
شفت خيول العاصي تجول سيول سيوف صفوف كفوف
وشفت فرانا مغرّب يمشي محزم والرمح من ضلوعي
وشفت الراية الحمرة الخضرة السودة البيضة
وشفت نجوم تحوم تحوم وشفتك يوسف بأول سربة تصيح الخيل
اتطمن قلبي وردت روحي.
فرفح طير الكدري بصدري وصار يغني يا حمام و غيرج ما عندي ياشام.
شفت العسكر توها محدرة
وشفت المدفع جنب المدفع شفت الموزر والبارود وشفت عيونٍ زرق وسود.
شفت الموت مفتح عينو اشموقح عينو ما يكسرها!
و شفت فرنسا وجيش فرنسا لا ما هزني جيش فرنسا
لا ما حرك بي شعرة
طق البارود بموزرها
وحق الصوّر شامي الحلوة
شفت الزغيرة الوردة
تنثر ياسمين وجوريها فوق زنودي
كرما لله بس هدّيها شوي صبرّها
غسّل مرودها من دمي واسقي من جفي ضاميها.
قُلها العاشق طير ورفرف فوق الجنة طار وحام وغيرج ما عندي يا شام
يا المتوسد جرحي و قلبي
خلك صاحي وافهم مني شرح مفصل ها يا معدل
فوت بعالمها وغنيها – أول نقطة بمصحف عمري
ارضي حرة وطبع الحرة ما تنضام وغيرج ما عندي يا شام.