وآآآشيب عين اللي خذْته اجوديّه

http://t3.gstatic.com/images?q=tbn:X.../153862847.jpg

[poem=font="traditional arabic,6,blue,bold,normal" bkcolor="transparent" bkimage="" border="groove,4,skyblue" type=2 line=0 align=center use=ex num="0,black""]


سلام يالبحريـن يـادار الاجـواد=يا اهل الكرم واهل العلوم النقيّـه
مْن الشمال ارسل وللغالـي انقـاد=اللي جفت من عـام يـده يديّـه
مشتاق له شوق الطفوله والاعيـاد=وشوق الشيوخ لرشفـة الشاذليّـه
لايابو تاله ماعلـى البعـد نشـاد=والوصل له بيـن الحنايـا مطيّـه
حاولت احايل ماضي الوقت ولافاد=عليـك ساقتنـي علـومٍ قويّـه
وغير الغلا وشلي على سرد الاعداد=ياواحـدٍ فيـك الليالـي هنـيّـهّ
اخوك يامحمد على الضيـق يرتـاد=ولولا الحيا ساق الدموع الشقيّـه
على الهنوف اللي لها القلب مقعـاد=اهديتها عمـري واخـذت المنيّـه
فيها الحلا طاغي وكل يوم يـزداد=وانـا ازيـد مْـن الحميّـه حميّـه
إليا مشت بالسوق بالعين تصطـاد=حتى المقاضـي لاخذتهـا هديّـه
ولاشفت ليلٍ شقه الجمـر وقـاد=ذيك الشفايف تحت مغشا ابدويّـه
غابت وانا رجواي للوصل ميعـاد=وابطيت انـادي والليالـي خليّـه
ماعاد لي رغبه على الشرب والزاد=ولاعاد افرّق بين صبـح وعشيّـه
لاعدت ياوقت المفـارق ولاعـاد=قلـبٍ بـدا نبضـه بليّـا هويـه
كن الضلوع تحايل النفـس بعنـاد=وكني ازيد مْـن الخطايـا خطيّـه
يامحمد الحاله مـن جهـاد لجهـاد=واشيب عين اللي خذتْـه اجوديّـه
اخـوك ماهـو للغناديـر طـرّاد=ولا له على سفـح المعالـي رديّـه
تقدر تقول انه على الثقـل معتـاد=مير اصطفق مابيـن هـذي وذيّـه
وامسى بهمٍ ماله حـدود وابعـاد=ويذكرك ياذخـر الخـوي لخويّـه[/poem]

لكم خآلص التحيّه
امجد صيّآح الدبيسي

:34:

صح لسانك ولا هنت
كعادتك يارائع
لا تحمل لنا إلا الجمال بعينه

اخـوك ماهـو للغناديـر طـرّاد
............. ولا له على سفـح المعالـي رديّـه

تشوف لك صرفه مع البيت هذا
والا اعلم بندر الصقر :)

المشاركة الأصلية كتبت بواسطة ميــرال (المشاركة 661721) بكل حالاتك ياامجد شعر ومختلف جداً متمكن وعذب

×

كـ عآدتك حتى فضلتك الشعريه يتمنآهآ الغير ياملك

ألف صح لسآنك

:)

المشاركة الأصلية كتبت بواسطة عبدالله صلال العساف (المشاركة 661730) ليس العبره بالتحديث او بالتقليده ولكن بجمال مايقدم سواء تقليدي والا حداثي قصيده جميله يا امجد من شاعر راائع