استسقاء / وبل الثريا
 

[POEM="font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله يامحـي العـظـام النحـايـل =عـد بالحيـا جميـع نجـد العذيـه
من مزنـةٍ ماهـي بكـل المخايـل = علـى حكـي شيباننـا عقربـيـه
يصبح مطرها فـوق روس النثايـل = يملى المصامـد بالسهـل والحويـه
وبعد شهر والعشب بالقـاع مايـل = تشابـك أزهـاره تقـل مزهـريـه
ومن نجد تنصا ديـرة أولاد وايـل = كامـل ديـار الـعـزوه الوايـلـه
كبار البيـوت و محتميـن الدبايـل = خصّيتهـا مـن واقـع العنصريـه
ومنهم تروح ايمين والسيـل هايـل = على الطوال اللـي جنوبـي بصيـه
ديار الضفيـر معطريـن النصايـل = مزبان من ضاقت عليـه الفضيـه
ويضفي على الصرار دار الحمايـل = عجمان يـا بـار الخـوّي بخويـه
هم حقنـا يـوم الدخـل والدخايـل = وقفاتهـم مـا هـي علينـا خفيـه
و باق المطر يشمل جميـع القبايـل = على الحجـاز و تنحـدر هيدميـه
ووبل الثريا يندفـق فـوق حايـل = من سقف حتـى ينتهـي بالحنيـه
وحدقان لينـه بالحجـر والمسايـل = ويمشي حدور وينتهي فـي رحيـه
يشمل علـى دار الجـدود الاوايـل = من قلعـة الهـادي اليـا اليعربيـه
ويضفي تلول الباج و السيل هايـل = والعيث والبوثـه هذيـك و هذيـه
وواد الحمر والحضر قبل امس سايل = و اليوم تردعـه السيـول القويـه
وعسيله اليمنـى مطرهـا هوايـل = وبعـاج والمومـي و عبطـا بنيـه
ويضفي ديـار متعبيـن الاصايـل = كامـل ديـار العـزوة الشمـريـه
قلته وانـا مالـي نيـاق و رحايـل = بالعلومـه و اخبارهـا العالمـيـه[/POEM]

اخي العزيز عبدالله ثويني المانع

شكرا لهذا الترحيب الجميل

رغم انقطاعي لفترة عن المنتدى

الا انني وجدت اصحاب القلوب البضاء كما هم

مرورك على هذه المشاركة اسعدني كثيرا

تقبل تقديري واحترامي ....ابو جمال

عقيل


صح لسانك ولاهنت

دمت بخير

عقيل المنيس


صح الله لسانك مليوووووون


قصيدة أكثر من رائعة إستهوت العقول والقلوب


وإبداع منقطع النظير دمت ودام إبداعـك


وسجل مدى إعجابي في حروفك المميزة والرائعة