|
روايات لا تنتهي
عذراً رواياتٍ بالعامية
السبت وكالعادة يوم مكلل بالتعب والإرهاق رجعت من دوامي وأنا مرهقة وطبعا حل الإرهاق عندي النوم المريح لأكثر من 3 ساعات متواصلة وصحيت من نومي كالعادة أخذت أشرب القهوة أنا وأمي ( جدتي ) و دقيت على أختي مرسلتنا في بيتنا وتعطيني أهم الأنباء واهم نبأ أنهم راح يتعشون في ست الشام وضاق خلقي لأنه مطعمي المفضل وقلت بما أنه ضايق أروح أحضر عشان تكمل :) وبعدها دخلت علي أمي ولابسه عبايتها تقول لي يلا نبغى نروح رديت عليها وين قالت بسرعة أبوك (جدي )يقول نبغى نروح نتعشى برا طبعاً حلت السعادة علي وفرحت وأرسلت لأختي مسج قلت موب أنتم اللي تروحون حتى أحنا المهم واحتا فالطريق يقول جدي والله ما تصير في خاطرك ألا أخذك لأحسن مطعم في حائل وتذوقين أكل ما بحياتك أكليته مو مثل مطاعكم تأكلون ما تدرون وش اللي تأكلونه دخلنا المطعم وجلسنا وجاء عشانا اللي هو كبسة وطلع اختصاص المطعم كبسة شكل أبوي وأمي متعشين فيه قبل أربعين سنة :) فديتهم ياربي تخليهم لي |
اليوم رايقه وضحكت من قلب على جحا التقليدي قال لي جدي عن قصة أبو ناس مدري على ما اعتقد اسمه كذا نبذة مختصرة عنه:77: اهو نفس جحا في وقتنا الحالي على بالي بس احنا اللي عندنا جحا طلع حتى هم قال لي جدي مجموعة قصص بس أعجبتني قصة ابوناس ابوناس كان له بيت وباع البيت وكان في بيته ود (مسمار ) وقال لهم أن الود مو من البيعة ملك له وأزعج صاحب البيت كل يوم يجيب رمه ويعلقها فالمسمار :11: حتى طفش صاحب البيت وترك البيت ( وهنا أنا اكتشفت أنه جحا ):D بس قال لي جدي بعد قصة ثانية لـ ابوناس كان فيه واحد عندهم يحب بنت السلطان ( حركات هم ) وافق ابوها بس بشرط انه يجلس فالبحر من الليل حتى الفجر (تعقيد لو انا منه كان قلت بطلنا ) المهم جلس فالبحر وجت أمه ولعت نار وصار الدخان يوصله المهم طلع ابو الشباب من البحر وراح عند السلطان وقال نفذت الشرط عطني البنت ( قمة التضحية );) وقال السلطان دخان أمك اهو اللي دفاك و خلاك عايش وألا أنت المفروض ميت ورفض يزوجه ( نذل ):mad: وراح قال القصة لـ ابو ناس المهم ابوناس عزم السلطان على وليمة عشاء فاخرهـ وجاء السلطان لـ أبوناس وقال له وين العشاء أشر ابو ناس على قدر معلق بين شجرتين وارتفاع القدر عن النار 3 أمتار وقال السلطان لـ أبو ناس العشاء ما راح يخلص ولا بعد شهر قال أبو ناس أجل ما بالك بالولد اللي جلس بالبحر ووصله دخان النار ودفاه وبعدين أنحرج السلطان وزوج الولد لـ بنته ابو ناس راعي فزعات :D |
يوم الاربعاء يوم كئيب جداً:o وعلى كل من يريد الاسقاط بنا يارب وضاق خلقي عشان الهلال من سجلوا الهدف خليت المباراة وفتح المنتدى المهم جاني أزعاج من خالي وطبعاً ما رديت :( لأنه يبغى يستفزني ويتشمت فيني وبعد ما مل من الاتصالات بدء يرسل لي مسجات ترفع الضغط المهم طنشت وسويت عمري مو مهتمه المهم امس دق على خالي ورديت عليه وع طول قال معزوم عند واحد من الشباب بمناسبة خسارة الهلال والوعد يوم الأحد رديت عليه وقلت تصدق خالي أرسلت لك تريلا كلها كلانكسس عشان دموعكم اربع اربع بس قول لي كم تبغى نجيب فيكم هدف عشان ما نتصدم يعني قال من زين ناديكم نادي الجنس الناعم قلت احنا النادي الملكي نادي الملووك وقال راح نتعاقد مع واحد أيراني نخوفكم فيه قال آسيا قال تبغون تكونون مثلنا قلت من طلعت على الدنيا وانتم تتكلمون عن ماضيكم وماشفت ولا بطولة أخذتوها قال لي آسيا طارت قلت احنا تبرعنا فيها لوجة الله أصلا عبدالرحمن بن مساعد ما حصل لكاس آسيا مكان من كثر الكؤوس ماشاء الله علينا يارب لا تشمت فينا الأعداء يارب يارب أنصرنا عليهم يارب |
| الساعة الآن 03:11 AM |
Powered by vBulletin® Copyright ©2000 - 2025, Jelsoft Enterprises Ltd.