منتديات أبعاد أدبية - أنا كويتي , وأبد لا ما يمثّلني حليف إيران ( خليجيين )

السلام عليكم ورحمة الله وبركاته

شكراً للقلوب الطاهرة هنا وفي كل مكان

أخي الغالي بندر المجلاد , مكانك القلب وإن حاولت النبض لن أنبض بغير غلاك يا أبو خالد

شكراً لكل حرف تعطرت به مسامعي منذ لقائك الأغلى

هذا الجديد الذي تشرفت به كـ وقفة مشرفة أمام الملأ وتوضيح الغير واضح

أنا كويتي وأبد لا ما يمثّلني حليف إيران
أنا كويتي وأمثل شعب كامل يعشق البحرين

أنا كويتي وأحب كويتنا تبقى سما الأوطان
أنا كويتي وصوتي ما يتحمل قسمته لإثنين

تعبت الصمت وحروف الكلام بداخلي بركان
وترى لا وصّلت للحلق دونه ياالخبيث إيدين

أشوف وجيه طاحت بأقنعتها وما تبي برهان
سمعنا أصواتهم تنهق وشفناهم بشوف العين

إذا طهران مصدر قوتك إذلف رح لطهران
ولكن لا تجي وسط الخليج وتزرع التفتين

خليجيين ما نقبل يزعزع بيننا خوان
خليجيين والقبلة حماها خادم البيتين

أبو متعب عسى ربي يحفظه ذخرنا الإنسان
عطوف ولكن إن حجّت حجايجها تشوف البين

وصباح الأحمد الجابر فحل عزم وسياسي شان
أبد ما تنلوي ذراع البلاد وشيخنا التحصين

إماراتي سعودي مع قطر وكويتنا وعمان
تجمعنا على البحرين حزمة تتعب الغازين

خليجيين ومن وده يعارضني له الحقران
يموت بحرقته ويبقى الولا فينا خليجيين

نحب شيوخنا وديارنا تعرف وفا الشجعان
وفي وقت الشدايد دمنا خلّى التراب \ الطين

تبللنا بدمانا وما تركنا أرضنا تنهان
وترى للحين فينا دم زايد ماإنسكب للحين

نبي البحرين ترجع مثل ما كانت بدو وحضران
بسنتها وشيعتها تكون أغلى من الغالين

نبي البحرين تتعطر وتلبس غالي الأثمان
بلا أيّت تدخل خارجي وفتنة من الصوبين

ومن وده يدمرها ترى بنجهز الأكفان
عسى تبقى منامة بن خليفة موحدة للدين

وهي جملة وأبيك تحطها لوحة على البيبان
عسى تفهم معانيها وتستوعب كلامي زين

ترى البحرين شمعة نور يظللها أبو سلمان
بمعنى دون أبو سلمان لا شمعة ولا بحرين

http://www.youtube.com/watch?v=ST9IIgSMUxA