أحساس مكبوت
 

[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لاماجنيت امن الزمن غير ونات= لاماخذيت امن الامل غير تابوت

اكفّن احلامي .. وأدوّر على الذّات =وأقول ياحزني خذ العمر لك قوت

ماعاد تغريني حياة الملذّات =لاصار كل شي ٍ حلو عابر يموت

ليا متى وانا في منفى المعاناة.= أشوف نفسي بين صرخات وسكوت

ماأحتمل بعد ومواجع وحسرات=من يوم صار الهم بالقلب منحوت

ماعاد يمدي أحلم ابماهو آآآت =المستحيل .. المر طعمه كما التوت

ماغير أنثرني فــــ/مجموعة أبيات=واشرح ظروف الوقت بإحساس مكبوت

هذي حياتي كلها دمع وآهات=من الفرح عمري له سنين محتوت[/poem]

*
العنود الشيباني تجعلين من الحزن طوق نجاة ٍ للذائقة بمجرّد الكتابة
جميلة جداً ياعنود
:34:

العنود
لا فض فوك على هذا الشعر الجزل
رغم حزنه وألمه .
فكوني بخير ايتها
الراقيه والأيام كفيله بإذن الله وبامره
لإزالة كل حزن وهم ولك كل الود والورد *

العنود الشيباني
حضور فاخر وزاخر


ونص يستحق الأحتفاء


كل الشكر