غزيّل
 

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
مداد من ضيق يتلمس رحابه=وآهات في جو الشقاوي تخيّل
ابيات شاعر تبتني من عذابه=في ظلها ما فكر انه يقيّل
منصاب مثلي مستلذ بصوابه=يأطا على جرحه كذا .. ويتويّل
يضيق لكن ما يشقق ثيابه=لو كان كبر طويق فوقه مشيّل
ينسف على جال الجنون الكآبة=لا فاحت الذكرى ويا ليل ليّل
جوع المشاعر مثل جوع الذيابه=لأجل العشاء في كل حيله تحيّل
من فقدها للي بحضرة جنابه=ترجع مقاديم الوصوف وتذيّل
يوم أغلق الواقع عن الحلم بابه=فكت شبابيك الوهم والتخيّل
لكن عجز حتى الخيال بغيابه=يجمع من الشي الكثير القليّل
ملامحه خارج نطاق التشابه=ليت العيون كفوف واخذ وأكيل
يوم امتزج ذنب النظر مع ثوابه=أي والله إن العين شافت غزيّل
مثل السحابه بس ما هي سحابه=همالها يضمي كثر ما يسّيل
مفاتن ومنطق وزول ومهابه=الأعوج اللي يمها ما يميّل
والحسن لو ينهب نهبته نهابه=خصوصاً اللي في دلعها مهيّل
من طيشها ما تعترف بالكتابه=لكنها ما هي على الحب عيّل[/poem]

الله عليك يامحمد

أبدعت أبدعت أبدعت

دام مداد شعرك العذب

كلماات راااائعة سلمت وسلمت لنا أطروحااتك المميزه..

شكرأ لك يا شهد والله اكرمتيني بحضورك وزدتيني شرف وسعاده



لك التحيه والتقدير

لا هنت يا خوي علي

شرفتني بإطرائك واسعدتني

شكراً جزيلاً لك

تحياتي