بسمتك توحشني .. جديدي
 

بسم الله الرحمن الرحيم

أقدم جديدي لكم ولقلوبكم الطاهره..


[poem=font=",6,,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
بسم الله الرحمن ياخلي وبسم الله عليك=أخذ العيون وماتبي منها وأخذ قلبي بعد
خذني متيم راحته طاحت على راحت يديك=ولا تخليني غريق الياَس في بحر النكد
تعال كلك شوق والمشتاق شوقه يحتريك=وأقلط فهقت إلك الضلوع العوج ياوجه السعد
بسمتك توحشني وتجذبني بها غمازتيك=وجوارحي هامت وسارت لك بلا سابق وعد
أضيع في رمشك وعينك وأستدل بحاجبيك=والقى مماتي ياحياتي بين جيدك والنهد
واليا نظرت لثغرك المعسول والا شفتيك=اقول سبحان الذي حط الجمر فوق البرّد
اضما لوصلك مير لامني وصلتك مـ ارتويك=يـ اطهر من الما في عيوني لا وألذ إمن الشهد
ما ابيك تنسى قصة الاَمي وكل مابي يبيك=وانته معاهدني تصون الود وتصون العهد
احن لأيام المحبه واشتكي لك واشتكيك=مابين دورات الزمان وبين طعنات وجلد
يا اغلى ما فـ الدنيا ترى مالك مثيل ولا شريك=في قلب محبوبك وحبك راح يبقى للأبد
المشكله لاجيت ابنهي سيرة العشق ابتديك=وانا معك روحين والروحين شفها في جسد
من كثر حبي لك ادورني معك والقاي فيك=شيّد خيامك بالمحاني دقها وتد وتد
خلاصة الموضوع بسم الله يامحبوبي عليك=ربي يحفضك من صدوف الوقت وعيون الحسد[/poem]

الله الله ياسهو

ربي يحفظك من عيون الحسود انت ومن كتبت له هذه الدرر

ماشاءالله لاقوة الا بالله

بالفعل كتبت فأجدت

تقديري لهذا الهطول

حشد من مشاعر الصدق
ورونق إحساس أبهى
هنا من الشعر جمال آخر
تحياتي إليك أخي سهو الظفيري

عبدالاله المالك

شكراً لكرمك وكرم روحك ، مرورك شرفني وأنسني

الله عليك .. تسلسل واحساس ونص مغري للقراءه .. تقديري

ايمان محمد ديب

شكراً لبهاء مرورك وحضورك

عبدالناصر الاسلمي

الله لايهينك اسعدتني بكرمك ..