عــروق السهـــر ...!
 

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
طوّل الليل يروي بي عروق السهر=لين أورق على قاع الخفوق الحنين

المسآ ليه ينفث بالصدور الشعر=كل ما مرت الذكرى على العابرين

بالدموع شهقت عيني وخان الصبر=واتكاثر على نفسي تطيح وتحين

هاجسي لو يمر الجرح لا تنهمر=خلها خلف بيبان الهدب لا تبين

صاحبي والليال المعبسات السمر=قلها لا تفل اللي بصدري دفين

شاعرك لو تظاهر بالفرح من كبر=آه لو تدري بقلبه كسير وحزين

كل ما حام في صدري حنين وقهر=انطوي بس مدري انطوائي لـ وين

وين ابهرب واشوفك في دروب السفر=كل ما نادت العزله على الحاضرين

كيف أبغفى وجرحك كل ما أغفى يمر=وانت طيفك مثل وجه الصباح المبين

أنت ياللي طعونك بالحنايا خضر=يآول العابرين وآخر الراحلين

جيتك أزرع من الفرحه حياة وعمر=ورحت اقطف من الفرقا حصاد السنين [/poem]

رائع ياعبدالله وأكثر

هنا شعر يستحق الإشادة

دمت متألقاً :icon20:

الله الله الله ...


ادهشتني ..

صدقني هذا الجمال لا يكتبه الا الانقياء...

تحياتي لهكذا نص

ولك

نص كايف

الله ما اجمله

صح لسانك لين ترضى

دمت بخير

أنت ياللي طعونك بالحنايا خضر=يآول العابرين وآخر الراحلين

رائع هذا الشعر..
صح احساسك..

اشادتك شرف يا علي

شكراً كبيره لك