|
مــزح وشـويـَّة مـشـاريــه
,
يابوعلي* .. بالله قاطعتني ليه ؟ والله مالي بالحليب السعودي ! نوبه شربته .. بس لعيون شاريه ماكنت احسب انّه صناعة يهودي ما اعرف غير الببسي الله يخلّيه لاصار قرص الشمس وضعه عمودي السالفة مزح وشويَّة مشاريه تصادمت واستبرقي يارعودي ذكرتك وقام القلم عن قوافيه على الورق حبره يلطّخ زنودي والشاعر اللي مابرد غير شاهيه ياصل مواصيل الأسد فوق جودي العمر : مقفي واجرد الروح مهديه شرواك , ماتاقف بوجهي حدودي يمكن ترجّتني على قدرتي ( إيه ) لكنّ ماقدرت تجمرك جهودي العشق كلّه باح .. مُرّه وحاليه لا احدن يحاسبني على اغلظ عهودي طالت وانا في خمرة الحب اناديه لاميْت يسمعني .. ولا حي نُودي أضحك على اطلاله ليا جيت باكيه وابكي على ضحكات باقي ورودي الله يقطع طاري يجيب طاريه والله يهديني واوفّي وعودي دام الهقاوي طيّبه مثل ماهيه يابوعلي برِّح عن البِـيض سودي دام البسيط يحيله (المصطفى بيه) وانا على الجبهه معشِّم جنودي فرض العصر بالقدس ودّي أصليه بسَّ الحيا اللي ما انقطع من قيودي وانت الذي بالطيب فارض معاليه حايف مداخلها وشايف ركودي الوقت ماهو بـيْدي ان صرت بيديه والارض ماحسَّت بنقصي وزودي والروح: انا .. والجسم : بس انولد فيه والعمر: (لحظة) دااايم آقول عودي , ــــــــــــــــــــــــــــــــــــــــــــــــــ ــــــــــــــــــــ * أبو علي : أخوي الكبير/ عبدالله مناحي منقرة البلوي . |
ماشالله تبارك الله ياسلطان
بوح عذب جميل الوقت ماهو بـيْدي ان صرت بيديه والارض ماحسَّت بنقصي وزودي أبدعت والله تقديري |
أضحك على اطلاله ليا جيت باكيه وابكي على ضحكات باقي ورودي. . . . . سلطان الوثر/ هذه القامة الشعرية الجميلة ترسم ملامح المشارية بدقة جميل توغلك في الاسقاطات في البيتين التالية على وجه الخصوص : دام البسيط يحيله (المصطفى بيه) وانا على الجبهه معشِّم جنودي فرض العصر بالقدس ودّي أصليه بسَّ الحيا اللي ما انقطع من قيودي حضور يستحق الاحتفاء يا شاعرنا الابهى قامات اجلال لأخيك الاكبر تحياتي وباقة شعر |
سلطان الوثر صباحك شعر وابتسامة رضا كـ اللتي أهديت هنا.. صباحي كان جميلاً مع (مزح وشوية مشاريه).. دمت جميلاً كما أنت .. |
الله عليك ابدعت بما كتبت نقلتنا بسلاسه من موقف ساخر مليء بالجمال الى عذوبة المعنى بوصف الحال رغم صعوبته ..ولكن شدني هذا البيت يمكن ترجّتني على قدرتي ( إيه ) لكنّ ماقدرت تجمرك جهودي مدري ليه احس ان هالبيت اتعبك كثير .. صح لسانك مليون فقد استمتعت بهذا البوح |
مااجمل البساطه والصدق مااروع الشعر عندما يأتي من القلب دون اي تكلف
انت ياسلطان حين تكتب لاتبحث عن مفرده او مكان كاالكثير من القصائد الممله من شدة الشبه حتى في تفاصيلهاالصغيره مميزولا يشبهك سواك والمطر ياسلطان |
اقتباس:
حضور كريم أغنم به ألف شكر وأكثر |
الوقت ماهو بـيْدي ان صرت بيديه
والارض ماحسَّت بنقصي وزودي كل مافيك زود ونفتقد هذا القلم الرائع عندما يغيب سلطان ءءامت مساءً |
| الساعة الآن 09:36 PM |
Powered by vBulletin® Copyright ©2000 - 2024, Jelsoft Enterprises Ltd.