الليل : موسم حصاد ..
 

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الجرح بذرة شعر والليل موسم حصاد=تورق على وادي الذكرى خضار عشبه

البارحه والسهر بين الضما والنفاد=وأنا اتهندم على صوت الفجر وارقبه


من وقت تيه العمر حتى سنين الرشاد=والحزن هذا وكنه طينتي منجبـه


من يومها كل جرحٍ للمشاعر زناد=وانا اتهادى على صدر الورق وأكتبه


فيني من الضيق ما يكسي صباحي سواد=وفيني من الحزن ما خلا الشعر موهبه

الهم لولا سكوتي ما ظهر للعباد=والدمع لولا الكبر مبطي قدرت اسكبه

حبيبتي وين ابلقى عن بلادي بلاد=تعبت اجرع مرار الشوق واستعذبه

خوذي ركام الشعور اللي ملاني حداد=مليت اعيش الحنين بـ ضيقته وتعبه

أنا الشعور الذي وإن هب ريح السهاد=يميل حزنه / يطيح من القصيد اعذبه

تدرين أحبك كثر ماهيم في كل واد=على كثر ما كتبت من الشعور أغلبه

وتدرين نار الشعر من دون أسمك رماد=وتدرين من كبر جرحك شاع طيب نسبه

حبيبتي وإن غدينا للسواليف زاد=تركت فضة حكيهم والسكوت ذهبـه

إن غبت قولي توارى وانطوى للبعاد=خايف يبيّن لـ حزنه بالملامح شبه [/poem]

عبد الله : أبيات جميلة ومعان خصبة وحبّ صدوق
سلمت الأنامل
لافُضّ فوك يا طيب

جزالة شعرية
ومعان جميلة عذبة

تقبل الود يا عبدالله

الليل : موسم حصاد ..
إذا كاااااااااان الليل موسم حصاد
إذا أمامنا لوحة فنية رائعة لان موسم الحصاد موسم
له أزهيجه وروعته .
سلمت يداك يا الشاعر

عبدالله الكريم


عندما يكتب الشعر امثالك فتأكد انك تستحق الاجلال والاحترام

قصيده تنضح بالشعور والاحساس الراقي العالي

نص فائق الاحساس صوره وتركيب فني

نص يكرم صاحبه

كم انت رائع يا اخي كم انت رائع

تقبل مروري البسيط