مرثية فالشيخ فرحان بن مقبل بن بطي الاسلمي الكامل الشمري
 

على باب الحزن غنى قصيدي
قصيدة في عزا من هو فقدته
على اللحن القديم أبدى نشيدي
يناوبني ليا مني ذكرته
فلا شك الحزن ماهو مفيدي
ولافادنّ دمعي لو ذرفته
عسى يوم الموادع لايعيدي
وعساك بجنتنّ عليا نزلته
يبو نواف حرآ يالصميدي
على عالي شواهقها وصلته
قديمي هم واهمومي جديدي
بعد فرقاك ماحين سألته
فقيدة وانت للابه عقيدي
شعورن في ضميري فيك قلته
لو ان لي بالقدر حظن حديدي
اذود الموت والاوجاع شلته
فداك الاش يالغالي وريدي
توقف والفرح معك انت زلته
غيابك غبن والفاجع شديدي
لو اقوى حكم هالغيبة عقلته
تصبر ياخفوقي فك قيدي
يا موت اسألك وش الي عملته
تنبهني على باقي رصيدي
كثير اشياء فالدنيا جهلته
عرفت الحق والراي السديدي
وجواب المبهمه فيك أكتملته
كتب اقسى المواجع في قصيدي
قصيده في عزا من هو فقدته

رحم الله الشيخ فرحان الأسلمي الشمري
وأسكنه فسيح جناته وفي فردوسها الأعلى
في باب الرثاء يتجلى الوفاء
سلمت يا عبد الله

سَلِمَ قَلبُك وَمِدادك يا أخي الطيّب
وَحَفِظَك المولى..
رَحمَ الله الشَيخ وأسكنه الفردوس الأعلى.

بورِكتَ

الله يرحم الشيخ فرحان بن مقبل بن بطي الاسلمي الكامل الشمري ,

ويلهمكم وذويه الصبر والسلون , إن شاء الله ,