سلامي على اللي يكتبون الحروف بـ سلطنه
.............................. مدينه عليها نور ْ من فوق ، رفرف ياعلمْ

يقولونْ هذا الذيب وأقـــول ميّتْ مِنْ سنه
........................... وجسمه غَطَته جروح وحروق ، رفرف ياعلم

هلا مرحبا تعداد عاشق ورمش ٍ يفتنه
........................... عدد ما تطل الشمس بـ شروق ، رفرف ياعلم


أنا أقول ذيبك حي بالله وقف وأحضنه
............................ يجيب الخبر من خايل بروق ، رفرف ياعلم

نشدت الشيوخ أهل العمايم بـ نزعة شيطنه
................................ إذا مات ميّتْ تنبض عروق ؟ ، رفرف ياعلم

وجتْ ميسره ، صارتْ تسمّى عليّه ميمنه
............................... عقيم الجـدلْ والليل طاروق ، رفرف ياعلم

هنا مشكلة بعض البشر غالي / بـ رخص ثمنه
.................................... يسلّم ورق بيته لـ مخلوق ! ، رفرف يا علم

على قولة اللي قال مدري وش اللي طيّنه
.................................... وبه عقل لكن جاه خازوق ، رفرف يا علم

أنا بـ أسألك ، جاوب ، لماذا وكيف بـ دندنه
................................ [ بليهان] ليه يقاطع النوق ، رفرف ياعلم


وأنا واحد ٍ فيني حضاره وكلّي بَدْوَنَه
............................. بَعَدْ / يمكن السرّاقْ مسروق ، رفرف ياعلم

يقولون الكبير كبير يمكن حكاية دلعَنَهْ
.............................. هديره على كيفه على الذوقْ : ) ، رفرف ياعلم

إذا تقسي الدنيا تعاود وتبقى ليّنه
............................... ترى الحي يقلب بس مزنوق : ) ، رفرف ياعلم