الطير المهاجر !!
 

[POEM="font="Traditional Arabic,6,teal,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]الطير المهاجر !!
طال ليلي "والفؤاد بغربته والشـوق".. عامـر=والعيون اغرورقت بالدمع واضناهـا سَهرهـا
طااال..والقلب بهمومه في رجا شوفتك زاخـر=يشتكي سود الليالـي كلمـا يذكـر قمرهـا
ليل زانته النجوم..! ولااغنته ذيـك الزواهـر=مالها قيمه ولو كَثرت .."وما شعشع بدرهـا"!!
لاانقضى ليلي..ولا اطفى لهفتي نبـض المحابـر=ولا شَفَت نفس المعنّى عبـرةٍ حـرّى نثرهـا
كل ما يغمد سيوف الشوق وطعون الخناجـر=يهتني طعن الحِـراب ويستلـذّ أعنـف أثرهـا
وكل ما زاره أمل يرجيه من باكـر ..لباكـر=بكّرَت به نار شوقـه واشعـل غيابـه جمرهـا
وكل ما هانت وشفت الغيم..قلت اليوم ماطـر=..لاهَتَن غيمي ولا بلّْ العطش منهـا مطرهـا
وكل ما قلت أنسها يا قلب شف لك رقم شاغر=انكسر قلبـي علـى قلبـي وكبّلنـي بحرهـا

واشتعل همّي وحرّق وجنتـي دمـع المحاجـر=واحترق قلبي وزادت لهفتـي جـذوة قَهَرْهـا
كل يوم يزيد في قلبـي غـرام وشـوق ثايـر=لا تذكرت الهنـوف ولا لمـع بـارق ثغرهـا
ولا انتثر ليل الجديل وشفت ذاك الشعر طايـر=ضعت في ذاك النهار اللي تقسّم فـي شَعَرْهـا
آه وا ويلاه يـا عهـدٍ مـع المحبـوب غابـر=يوم كانت جنّة العاشـق وفردوسـه نَحَرهـا
يـوم تتـلالا بعينـي دُرّْ والمـاس وجواهـر=يوم كانت روضتي زهر وشذى زانه شجرهـا
ويوم كنت بيدّها مفتون ..تطربنـي الأوامـر=وكنت "مهما كان" ! يسعدني ويعجبني أمُرهـا
وآه لا لاحت لعيني فـي نواعسهـا البشايـر=آه من نجل العيون..وآه مـن فتنـة حَوَرهـا
آه يا همٍّ تلاعـب بـي بلَـغ حـد الحناجـر=وآه يا شوقٍ حرَث صدري وموّت به زهرهـا
وآه يا صبرٍ تكسّـر وانهـك الطيـر المهاجـر=وآه يـا نـارٍ توقّـد كلمـا طـوّل سفرهـا
وآه يـا وجـدٍ تشرّبتـه دفنّـي بالمقـابـر=لا طوى روحي ولا روحي تخلّت عن قَدَرهـا
[/POEM]

اخوي

ماجد الغامدي.


صح الله السانك على هالقصيده الطيبه.


سجلني من متابعينك.


اخوك سعد المطرفي

ماجد الغامدي


هلابك وبحضورك الوارف

صح لسااانك على هذه الرائعه


ولا هنتتتتتتتتتتت

هنا ..


تصالحت أذواقنا مع الجمال


الباذخ طبعا


سلمت.

ماجد الغامدي


لشعر معك نكهه اخرى


صح لسانك