تبّت يدين البعد .؟!!
 

انا القصيد اللي زرع برضك الشوق
ولا تكاثر من حنانك قليله..؟!!
|"|
ونبت في أرض إنتظارك من الذوق
حتى روى ذوقي لعينك غليله.؟!!
|"|
انا الكلام اللي من الوجد مخنوق
حرفٍ يطيحك شوق قلبي يشيله.؟!!
|"|
ماكنت اعرف إن بيني وبينه حقوق
حتى سلك بُعده بقربي سبيله.؟!!
|"|
وفهمت بعده ( كل مطرود ملحوق )
إلا وصالٍ ضيع الله دليله .؟!!
|"|
تبت يدين البعد لا صارت العوق
وتب النوى وأحلامنا المستحيلة.؟!!
|"|
في روحي إحساس الغلا طار بي فوق
حتى هويت بساحق البُعد غيله.؟!!
|"|
وتزاحم الدمعة من الموق للموق
تروي حكاية ألف ليلة وليلة.؟!!
|"|
كان إبتذال الصبر في وقت مسروق
من غفوة الواقع بذيك الخميلة.؟!!
|"|
حتى تساقط من غصن عمري عذوق
وتعرّت كفوف الليال الجميلة .؟!!
|"|
اصبحت في بهو الأمل كرت محروق
والخطوة اللي كانت اول ثقيلة.؟!!
|"|
يوجع زماني لا خذا الشوق بالشوق
وش خانة الوديان لا جف سيله .؟!!

شاعرنا القدير عبدالله العتيبي
حضور جميل ومميز
ابدعت
اجمل التحايا

وفهمت بعده ( كل مطرود ملحوق )
إلا وصالٍ ضيع الله دليله .؟!!
|"|
تبت يدين البعد لا صارت العوق
وتب النوى وأحلامنا المستحيلة.؟!!

قصيدة قارعت خواصر الدهشة واعتصمت وشما بالذائقة الادبية
شاعرنا القدير " عبدالله العتيبي "
دام سكب محبرة الرقي تنتشي به ابجديات الكلم
مودتي والياسمين

\..:icon20:

الله الله

الشاعر عبدالله العتيبي

صح الله السانك يا الجزل

للامانه قصيده شامخه سررررني

قرائتها والتعمق في معانيها

ومفرداتها الجزله

وفقك الله

ولا تكاثر من حنانك قليلة


الله الله
سطر واحد فقط
كان كفيل بنقلي لو سط هذا الألم

صح لسانك وسلم نبضك ياغالي

عبدالله والدهشة الـ تحيط القصيد
حكاية إبداع

ﻛﺎﻥ ﺇﺑﺘﺬﺍﻝ ﺍﻟﺼﺒﺮ ﻓﻲ ﻭﻗﺖ ﻣﺴﺮﻭﻕ
ﻣﻦ ﻏﻔﻮﺓ ﺍﻟﻮﺍﻗﻊ ﺑﺬﻳﻚ ﺍﻟﺨﻤﻴﻠﺔ . ؟

استعارة وإشارة متفردة

دمت عالياً
لقلبك السلام

صح لسانك مدد

جمال وعذوبة تأسر القلوب وتشبع الذائقة


تحياتي

تسلم اخي الحبيب والقدير
عبدالرحمن المقرن
فتح الله لك ولنا وللجميع
ابواب رحمته والسعادة

عاطر مودتي
🌹🌹🌹