صوت وصدى !!
 

(صوت)

‏يا ليتني ..جنبت ..بعض الأوادم
من يخلطون السم داخل عسلهم

رافقتهم ..واليوم .بالفعل.. نادم
الله كشفهم ..من. سوايا جهلهم

اهل النميمه ..والحسد .والتصادم
يوم القيامه يحصدو ..سو عملهم

اقدر ..اهد السور .وابني . مرادم
وارقا على روس الشواهد. جبلهم

محمد الثوعي

(صدى)

ياللي تشكى وقت جاير وصادم
وخصيت ناسن خافقك ماخذلهم

عل الفرج في مقبل العمر قادم
واهل الردى جنب وتلقى بدلهم

خلك لمبنى اهل الحماقات هادم
لابارك الله يافتى في شللهم

وهذي هي الدنيا من ابوك آدم
مابين محبط سيرها وبين ملهم

محمد احمد الحربي
ابوشامي

ابداع ماشاء الله
صوت وصدى
والله يجنبنا هالفئة ويكفينا وإياكم شر كل ذي شر

دمتم ودام مدادكم

تبارك الله
دروس الحياة كثيرة نتعلم بعضها من شعر كهذا
يحفظك الله

ممتن لك من القلب لمرورك الجميل
حروفك قبس من نور لاعدمتك
اختي الفاضلة نورة القحطاني..

سررت كثيرا بمرورك الرااائع اختي الفاضلة
سلسبيل تقبلي ودي وجميل وردي..

الله يسلمك ويبقيك ولاعدمتك شاعرنا..