|
جرّب حاجه " ماتشبه لك " !
____ زاجل : شبعان ضِيقه ، لين صوتي تساقط __ حتّى تشوّه داخل الصدر عصفور ! ماعاد فيني حمل ساخط .. ولاقط ! __ حتى الذي يجرح له الجرح مغفور ! • • __ [1] صِير بخير " • • أنا ماجيت أناقش حدّ ولا حتّى أدوّر .. ندّ ! أنا جيت أنثر همومي .. بعد ماضاق فيها الصدر على هالطاوله .. أنقش ! ويمكن عني آفتش ! أدورني ، ولو حتى بعض وجهي ! على هالنقش .. لو إبره بين كوم القش ! تخيّل طاوله بيضاء .. تكون من البشر أنقى ! تكون أسمى من الأسماء .. على هالطاوله أرسم .. أنا لي إيد فيها عيون ! ولي فمٍ يشم اللون ! ولي إذنٍ تضج ظنون ! وأنا والله " مو مجنون " بس أتنفس من أيديني ! وهي تزفر .. مثل صدري ! وفيها بعض .. من عطري ! ترى إيديني بعد تكذب اذا قالت " تمام بخير " وانا احياناً عليها أعتب اذا هي خبّت التفسير ! واناقشها وانا غاضب .. وهي أطيب من التقصير ! ترد بكل حنيّه .. بلا تبرير أو نيّه ! تكون بخير .. صير بخير ! * ______ * [2] حلّ : جرّب حاجه ماتشبه لك ! • • أهرب منّي أو مِن مَن ؟ لاصار العالم منجّن ! هذا يشتم ، لجل الحال هذا يمدح ، لجل المال ! والناس أشبه بالغربال ! حاجه .. ماتخطر بالبال ! من هو المخطي ؟ من هو تدين ؟ من هو تعفي ؟ من تسأل ؟ من هو يجاوبك ؟ حتّى فمّك ماهو فمّك ! صاير بس يعانق كمّك ! لوّ " العالم " يشبه أمّك ! كان الشارع حتّى يضمّك ! تعتب ليش ؟ تنطر أيش ؟ هذا الواقع / لو بتعيش ! والا لو ينبت لك ريش ! قلت تطير ؟ ودّك طير ! بتْطير وتلقى لك غصن ! غنيت وميّل عاللحن ! بكره يمّل ! وبعده يِحن ! بعده يتعب لين يطيح ! يتكسّر من هذي الريح ! وين تروح ؟ جرّب روح ! جرّب حاجه ماتشبه لك يمكن تنظف .. يمكن تهلَك ! يمكن حتّى تطلع مثلك ! مخنوقه من كل الناس ! مقتوله .. من كل إحساس ! ______ الله ياخذ هالحراس ! كلٍ جاي ويحمل راس ! ياخي حبّوا ! ياخي غنّوا ! ياخي حسّوا والا طسّوا ! خلوا العالم .. بس تحب ! فيكم من جرّب ينحب ؟ |
تدري يا سعيد
لو كنت عاقل ماكتبت كل هذا الجنون الخلاصه لو( العالم) تشبه امك كان الشارع حتى يظمك تعمدك بكتابة تشبه وليس يشبه هذا يعيدني لأسمعك حرفيا تردد مره اخرى انك من فم الحجاز لا يذهلني سوى جنونك ولو حلفت أنك غير ذلك دمت بهذا الجنون 🌷🌷🌷 |
تميز وتفرد لا يشبه سواك شاعرنا المبدع سعيد الموسى
في قبضتك على الحالة ورسم كافة تفاصيلها فأتت محملة بالكثير من الشموخ والجمال رحب حرفك كالسماء منه المطر وله جل آيات الشكر \..:icon20: |
تكتب بماء السحاب
ومن يمنع الظامي عن الماء ! مبدع يا مطر |
يااااااااااه يالسعيد ،هذا الجنون المُسترسل ذكّرني
بأحدهم يُدعى [فهد الغبين]~ أكثر من الدهشة سكنت أحداقي أوتعلم، قرأتها بصوتٍ عالٍ في مجلس إخوتي [شَعبي] وحين أتممتُ القراءة وجدتهم لي/ لك مُنصتون ... بإجماعٍ قالوا [راااائع] ما أدهشك أيها المختلف |
حتى الذي يجرح له الجرح مغفور !
• جميل ياسعيد سلمت |
اقتباس:
أهلاً سليمان .. ألتقاطة جميلة في جزئية حديثك عن اللهجة .. دمت كريماً أصيلاً .. |
اقتباس:
أهلاً بالكريمة : سيرين حاولت أن أكتب ، أن أعبر من خلال ماأكتبه لقلوبكم الرائعة .. لست مستغرب هذا الكرم منكِ .. شكراً شكراً |
| الساعة الآن 10:23 PM |
Powered by vBulletin® Copyright ©2000 - 2024, Jelsoft Enterprises Ltd.