|
يوميات من دمشـق " 2 "
منشور ترفيهي .🙂 لطالما كانت الصيدلية ــ رغم خروجنا تحت القصف حيناً والقذائف أحياناً أخرى في سنوات الحرب الصعبة ــ هي الملاذ الوحيد لتناسي الهموم اليومية وتفعيل طاقة الحبّ والعطاء .. هؤلاء أحبابي وبركة أوقاتي ❤ كثيراً ما أجالسهم وأشرب قهوتي معهم .. * يحدث في الصيدلية 1ــ وضعتُ فنجاني القهوة الأول كالعادة ليبدأ الإقلاع الصباحي عندي . دخل أول مريض مسنّ لا أعرفه بعد صباح الخير : - ناوليني فنجانك دكتورة وصلت من شوي من السفر وناطف قلبي ع فنجان قهوة . - لحظة اجيبلك واحد غيره - لا ولَو دكتورة ، والله مابشرب غير فنجانك 😎 2 - مرحبا يابنتي -- أهلين خالة تفضلي ــ بدي دوا الضغط - شو اسمه أو شكل العلبة أوصورة .. ــ نسيانة جيبو معي ، بس مابيضيّع تؤبريني .. حبته بيضاااا مدووورة وقت ببلعو بيلزق بسقف حلقي ..🙄 3ــ مرحبا دكتورة ــ أهلا وسهلا تفضل -- عم دور ع دوا مالقيت منه بجيرود عجب بلاقيه عندك ؟ ــ شو اسمه؟.. ــ مابعرف . ــ شكل العلبة أو صورة ؟ ــ مابعرف ، بس عندكياه ؟ 😩 4ــ مريضة تحمل وصفة من طبيب صرفتها وخلصت.. ــ ممكن كاسة مي تؤبشيني ..حاكم انا لما بشرب الدوا بالصيدلية من أول حبة بطيب .. ــ حاضر تكرمي 😊 5ــ مسا الخير دكتورة . ممكن تدليني على عيادة الدكتور فلان ؟ ــ تكرمي ، ثاني دخلة ع يسارنا .. ــ وين يعني ــ يعني تطلعي من الصيدلية مو أول دخلة ثاني دخلة ع شمالك .. بعد أربع محاولات عند باب الصيدلية .. اقترح زميلي أروح أوصلها للعيادة 😂 http://www.ab33ad.info/up/uploads/im...3921776f66.jpg ... |
رؤيا العين يا حبيبة رأيت وسمعت »»» وابتسمت :15:
هكذا تمضي الدقائق ما أجملكِ في لملمةِ تفاصيلها هنيّة وعافية هالقهوة يا روح ~ |
_ وين موقعكم دكتورة ؟ أحتاج جرعة قهوة ، عندي صداع :d : يوميات مشوّقة ننتظر المزيد يا صاحبة الفنجان اللذيذ _ |
اقتباس:
لابدّ أن تعيشي التفاصيل ..وأنتِ من أنتِ يا رشا الروح ! كل الحبّ ياجميلة أبعاد ❤ |
اقتباس:
إذا أنتِ بالشام بتشرفينا حبيبتي ببعتلك العنوان بتعيشي الجو لايف ونشرب قهوة بصحبتك 😍 سلامة قلبك من الوجع محبات كثيرة ❤ |
يصفون لون الدواء وطعمه واحيانا كيف كان فعالا...الا اسمه راح عن بالي 😁 . . ما اجملها وما اقربها تلك التفاصيل 😊أمنية اضعها في يد الرحمن وقدرته وهو القادر تشربيني قهوة عندك بالصيدلية من غير وصفة طبية 😁 ويومك جميل ومثمر دائمًا بفرح يا غالية 🌸 |
اقتباس:
أرفعها لله معكِ محفوفة بالحب لنشربها معاً في الصيدلية وكل تفاصيل دمشق بمعية البسمة والنسمة دكتورتي الجميلة.. والبقية في ذمة الوقت الذي أنتظر ..! محبات يا غالية ❤ |
| الساعة الآن 07:50 PM |
Powered by vBulletin® Copyright ©2000 - 2024, Jelsoft Enterprises Ltd.