سهيل
 

اشعل مصابيح السهر يسفر الليل
واوقد شموع الشعر يرتاح بالك
لا ضاق صدرك من سباق المخاييل
ودكت دواكيك الزمن في خيالك
اكتب على المسحوب ياعين ياليل
واشرب جزيل الشعر لامن صفالك
تر الزمن ومضة وغمضة وتقييل
وغفوة مسافر في دروبه زوالك
كم واحدٍ يشوف وضعك تساهيل
وانت تشوف الوضع فوق احتمالك
لا تاخذ الايام بالعدل والميل
وحاول مجاله مايجي في مجالك
احسب حساب المشرقات المقابيل
واترك عنك مافات ماله ومالك
تبي تزين ويشرح الخاطر سهيل
ويزين معها يا ابيض القلب فالك

انت الاجمل سعيد

طاب فالك
ونلت منوالك
والمسحوب يتغنى بمثل هذه الأشعار العذبة الجميلة التي تنتشل الشعر من ما قد يعتريه ..

حييت يا عبد الله

تسلمين رشا

وفالك طيب عبدالإله