يـا يـمّه .. مـاانتهي جـيتك وطـالب مـنك الغفران
أقــبّـل قـاعـة أقـدامـك واغـسـلها بـدمـعاتي
يــا يـمّـه .. كـل مـافيني يـناديلك أنـا نـدمان
طـلبتك؟.. قـولي سـامحتك وردي لـوجهي بـسماتي
أنـا أدري قـلبك الـطيب كـسرته بـصدمة الـنكران
غـلـطت .. وغـلطتي هـذي تـعير كـل غـلطاتي
تـشوفي الـشيب يـا يـمّه تـرى مـاجا وأنا فرحان
وربــي إلــي رفـع ذاتـك ونـزّل لـلردى ذاتـي
فـقدت الـراحة مـن بـعدك .. فقدت الطيبه والتحنان
بـدونـك .. راحـتي غـاية بـدينك هـذي راحـاتي
أنــا بـعدك ولا حـاجة أنـا بـعدك تـرى عـميان
أشــوف .. ولا أشــوف إلـي يـوريني مـساواتي
أنـا وسـيد الـشّقى والـهم مـن بـعدك غدينا أخوان
يـجـيب هـمـوم هـالـعالم .. ويـرميها بـمتاهاتي
صـدقتي .. يـوم قـلتيلي تـدين الـيوم بـس تـندان
رمـيـتك فـي بـداياتي .. ورمـوني فـي نـهاياتي
أنــا مـن شـالك بـيده ورمـاك بـأسفل الـبركان
نـخـيتيني .. وطـلـبتيني .. ولا حـصلتي نـخواتي
مـثل مـاهنتي بـعيوني .. عـليهم قـلبي يـمّه هـان
رمـوني وضـعتهم فـزعه .. وأنـا الدمعات فزعاتي
يــا يـمّـه لا تـظنيني أنـا مـن فـعلهم زعـلان؟
ســواتٍ فـيـك سـويـته وســوّو فـيني سـواتي
يــا يـمّـه .. يالله ظـمـيني ودفـيني بـهالأحضان
أنـا أدري فـيك مـشتاقه .. وهـمك بـس مـلاقاتي
يـا يـمّه (حـيييييييل) ضـميني أبـي أرتاح أنا تعبان
تـعبت أهـرب مـن ذنـوبي ابـيك آخـر مـسافاتي
أبـسمع مـنك أي كـلمه .. لـصوتك مـسمعي ولهان
أبـسـمع (يـمّـه) بـصوتك أبـذكر فـيها نـشواتي
أشـوفك سـاكته يـمّه ؟!!.. غـفيتي ولا أنـا غلطان؟
غـفيتي يـا بـعد عـمري؟.. تـعبتي مـن مواساتي؟
يـا يـمّه طـالبك قـومي .. إذا لـي في عيونك شان
أشـوف الـموت بـعيونك .. عـساها تـخيب هقواتي
تـعـالوا يـا بـشر شـوفوا أنـا مـحتار أنـا تـلفان
أنـا أمّـي مـدري وش فـيها أنـا مـدري أنا أحاتي
شـنو ؟؟ أمّـي أنا ماتت !!! لا لا.. لا ترى غلطان!!!
أنــا أمّــي مــا تـخليني عـلى حـزني وونـاتي
أنــا أمّـي قـلبها طـيب ولا يـمكن تـبكي إنـسان
أنــا أمّــي مــا تـبـكيني .. ولا تـتمنى آهـاتي
يـا يـمّه صـح مـا متي؟ .. وصح الموت تو ماحان؟
إذا مـتـي أنــا بـعدك أبـقضي ويـن سـاعاتي..؟
يـا يـمّه قـومي يـا يـمّه .. وقولي الموت لا ما كان
أنــا جـيـتك وأنــا نـاوي أبـبدي فـيك جـناتي
تـركـتيني ومـتي لـيه؟؟ تـركتيني وأنـا غـرقان؟
ولا مـسموح يـا ولـيدي!! .. ولا تـلعنك لـعناتي!!
أنا الجاني .. وأنا المجني .. وأنا المخطي .. وأنا الندمان
وأنـا بـإيدي رمـيتك إيـه .. وبـعثرت أهـم ملفاتي
وجـيت مـن الـهنا مفلس .. وقلبي من الضنا خسران
تـركـتيني عـلـى نــاري أعــدد فـيك زلاتـي
ولانــي مـرضيٍ ربـي .. ولانـي تـابع الـشيطان
أنــا بـعـدك تــرى مـابـين نـهاياتي وبـداياتي
يــا يـمّه مـنتهي جـيتك وكـلي مـرتجي غـفران
وشـفـت الـناس تـلعني .. وتـحذرني مـن الآتـي


للشاعر *** نــــهــــار الــضــفــيـري***